दाङ साउन ४ गते ।
दाङका वनक्षेत्र गत वर्ष डढेलोमुक्त भएको छ। बितेको हिउँदमा आफ्नो कार्यक्षेत्र अन्तर्गतको वनका कुनै स्थानमा डढेलो नलागेको डिभिजन वन कार्यालय दाङ ले जनाएको छ।
आफ्नो कार्यक्षेत्र रहेको ६ वटा पालिकाका कुनै पनि वनमा वन डढेलो नलागेको भन्दै कार्यालयले गत वर्षलाई शून्य डढेलो वर्ष घोषणा गरेको छ। कार्यालयअन्तर्गत पर्ने दाङका ६ वटा स्थानीय तहका कुनै पनि वन क्षेत्रमा आगलागी नभएको डिभिजन प्रमुख दीपक ज्ञवालीले जानकारी दिए।
‘वन डढेलोको दृष्टिकोणले यो क्षेत्र अति संवेदनशील क्षेत्रमा रहेको थियो,’ उनले भने, ‘तर यो वर्ष मौसमको साथै कार्यालयको सक्रियताले वनमा आगलागी भएन, यो दाङका लागि ठूलो उपलब्धी हो।’ कार्यालयले गएको वर्ष दाङमा ’शुन्य वन डढेलो महाअभियान’ सुरू गरेको थियो। पछिल्लो ७ वर्षमा जिल्लाका विभिन्न ४६३ स्थानमा डढेलो लागेको डिभिजन वन कार्यालयले जनाएको छ।
आगलागीका कारण जिल्लाका ४२ हजार ६१९ हेक्टर वन क्षेत्र प्रभावित भएको प्रमुख ज्ञवालीले जानकारी दिए। उनका अनुसार सो अवधिमा आगलागीकै कारण जिल्ला १ जनाको मृत्य, ९ घर, ५३४ क्यूफिट काठ जलेर नष्ट भएको थियो। जिल्लामा पर्यटन प्रवर्द्धन तथा विकासमा ४४ प्रतिशत रकम खर्च भएको छ।
यसका लागि प्रदेश सरकारबाट आएको ११ करोड रुपैयाँमध्ये ४४ दशमलव २९ प्रतिशत अर्थात ४ करोड ८७ लाख १९ हजार१९६ रुपैयाँ खर्च भएको भएको कार्यालयले जानकारी दिएको छ।
Discussion about this post