बाँके साउन ४ गते ।
सार्वजनिक जग्गा निजिकरण गरेको भन्दै विप्लव नेतृत्वको नेकपाद्धारा संचालित जनसत्ताले उक्त जग्गा कब्जामा लिएको घोषणा गरेको छ । आईतबार बिहान प्रेस वक्तब्य जारी गर्दै थारुवान स्वय प्रदेश जनपरिषद बाँकेले कोहलपुर नगरपालिका ४ किरण नजिकै ७७, ७८ र ७९ नं. कित्ता रहेको करिब ६ विघा सार्वजनिक जग्गा जनसत्ताले कब्जामा लिएको घोषणा गरेको हो ।
जिल्ला परिषद बाँकेका प्रमुख परिवर्तनद्धारा जारी गरीएको प्रेश वक्तब्यमा उक्त जग्गा नियन्त्रणमा लिएको उल्लेख गरीएको छ । विगतदेखीनै विवादित बन्दै आएको उक्त जमिन ४१ जनाको नाममा कित्ताकाट भई मालपोत बुझ्नकालागि नापी कार्यालय बाँकेबाट वडालाई पत्र आएपछि जग्गासम्बन्धि बिवाद चर्किएको थियो ।
विवाद चर्किर्दै गएपछि नापी कार्यालयले पुनस् उक्त जग्गाको तिरो नलिन वडालाई अर्को पत्र पठाईसकेको छ । सत्ताको पहुँच र पावरमा भुमाफियाहरुको गिरोहले सार्वजनिक जग्गामाथी गरेको लुटखसोटप्रति जनसत्ताको गम्भीर ध्यानाकर्षण भएको भन्दै जिल्ला परिषद बाँकेले त्यसको भत्सर्ना समेत गरेको छ ।
साथै जिल्लामा विभिन्न भुमाफिया गिरोहहरुले जनविरोधी गतिविधि संचालन गरीरहेकाले जनसत्ताद्धारा त्यसको सुक्ष्म अध्ययन तथा अनुसन्धान भईरहेको समेत प्रेस वक्तब्यमा उल्लेख गरीएको छ ।
वक्तव्यमा दलाल र लुटेरा प्रवृत्ति रोक्न चेतावनी समेत दिइएको छ।
Discussion about this post