दाङ साउन १२ गते ।
दाङका युवाहरुले निर्मला पन्तको लागि न्याय माग्दै श्रद्धाञ्जली सभा गरेका छन् । जिल्लाको घोराहीमा युवाहरुको एउटा समूहले बेलुका दीप प्रज्वलन गरी स्वर्गीय निर्मला पन्तप्रति श्रद्धाञ्जली व्यक्त गरेका हुन् । उदाउँदो पुस्ता, उज्यालो बिहानी फाउन्डेसन र दारीबाको कटेज हाम्रो अड्डा फेसबुक ग्रुपद्वारा संयुक्त रुपमा कार्यक्रमको आयोजना गरिएको थियो ।
पन्तको हत्या भएको दुई वर्ष पुगिसक्दा समेत सरकारले घटनाप्रति बेवास्ता गरेको भन्दै सरकारलाई दवाव स्वरुप यस्तो कार्यक्रम गरेको युवा गुरु गौतमले बताए । ‘न्याय मरेको दुई वर्ष’ को रेखाङ्कनमा दीप प्रज्वलन गर्दै युवाहरुले सरकारलाई यस घटनामा आलटाल गर्न नहुने बताएका छन् ।
‘सम्झनामा निर्मला न्यायको खोजीमा जनताहरु’ शीर्षकको व्यानरमा निर्माण गरेका युवाले निर्मलाको पक्षमा आम जनता रहेको सन्देश सम्प्रेषण गरेको बताएका छन् । निर्मला हत्याको सत्य तथ्य यथाशीघ्र सार्वजनिक गर्न सरकारलाई आह्वान गरेको थिए । दुई वर्ष अघि कञ्चनपुरमा निर्मलाको बतात्कारपछि हत्या गरिएको थियो ।
Discussion about this post