बाँके साउन १३ गते ।
बाँकेको राप्तीसोनारी गाउँपालिका वडा ९ स्थित भक्ता खोलाको कटानलाई रोक्न पहल गर्नका लागि सांसद महेश्वर गहतराज (अथक) प्रमुख जिल्ला अधिकारि रामबहादुर कुरुम्बाङ बाँकेका प्रहरी प्रमुख ओम बहादुर राना, बाँके राष्ट्रिय निकुञ्जका प्रमुख प्रमोद भटराई , शसस्त्र प्रहरी प्रमुख दिपक अधिकारी , नेपाल सेनाका कर्णेल सहितको स्थानीय जनप्रतिनिधीको टोलिले कटानको स्थलगत अवलोकन र निरक्षण गर्नुभएको छ ।
बाँके राष्ट्रिय निकुञ्ज एरिया भित्र पर्ने भएकाले वन मन्त्रालयसँग समन्वय गरेर काम गर्ने सांसद अथकले जानकारी गराउनुभयो । डुवान कटान क्षेत्र अवलोकनपछि साँसद अथकले विभिन्न क्षेत्रमा समन्वय गरी डुवान र कटान रोक्न पहल चाल्ने प्रतिबद्धता व्यक्त गर्नुभयो ।
भक्ता खोला र चुके नालाको कटान र डुवान रोक्नका लागि स्थानीय वासिसँग अन्तरक्रिया समेत गरिएको थियो । सो क्रममा स्थानियले भक्ता खोलालाई डाईर्भसन गरि रिम्ना खोला र चुके नालालाई डाईभर्सन गरि बांगेसाल खोलामा झार्न सुझाव दिनुभयो ।
यस्तै प्रमुख जिल्ला अधिकारिले अहिलेको समयमा बाढी र डुवान कटानको बढी जोखिम हुने भएकोले जोखिमयुक्त ठाउँका सर्वसाधारणलाई सतर्क रहन अनुरोध समेत गर्नुभयो ।
खोला र नालाले वर्षेनी १० औं विगाह खेतियोग्य जमिन कटान तथा डुवान गर्ने गरेको स्थानियको भनाई रहेको छ । उक्त टोलीले उद्यन बुच्चापुर सिचाई आयोजनाको फुटेको बाँधको समेत स्थलगत निरक्षण गरेको थियो ।
Discussion about this post