बाँके साउन १३ गते ।
केन्द्रीय मोहर्म पर्व तथा कर्वला व्यवस्थापन समितिले नेपालगन्ज उपमहानगरपालिकालाई ज्ञापन पत्र बुझाएको छ ।
नेपालगन्ज उपमहानगरपालिका ६ मा रहेको ५ सय १५ कित्ता नम्वरको जग्गाको सीमांकन र रेखांकन गर्न माग गर्दै केन्द्रीय मोहर्म पर्व तथा कर्वला व्यवस्थापन समितिले उपमहानगरपालिकालाई ज्ञापन पत्र बुझाएको छ । उक्त जग्गा लामो समयदेखि समितिले भोग चलन गर्दै आएको ज्ञापनपत्रमा उल्लेख गरेको छ ।
साथै उक्त जग्गामा ताजिया विर्सजन गर्ने गरिएको समितिको ज्ञापनपत्रमा भनिएको छ । ५ सय १५ कित्ता नम्वरको जग्गा मध्येबाट कर्वलाका लागि ३ विघा जग्गा छुटटयाइएकाले उक्त जग्गाको लालपूर्जा र जग्गाको सीमांकन र रेखांकन गर्न समितिले उपमहानगरसँग माग गरेको छ ।
केंद्रीय मोहर्रम पर तथा कर्बला व्यवस्थापन समितीका केंद्रीय अध्यक्ष गुलाम हुसेन हलवाई ( फिरोज वारसी) ले उपमेयर उमा थापामगरलाई ज्ञापन पत्र बुझाउनुभएको हो।
Discussion about this post