बाँके साउन १४ गते ।
बाँकेमा आज थप ६ जना कोरोना भाइरस संक्रमण जितेर आइसोलेसनबाट डिस्चार्ज भएका छन् । योसँगै बाँकेमा निको हुनेको संख्या ३ सय ७९ पुगेको छ ।
आज डिस्चार्ज भएकाहरुमा कोहलपुरका ५ जना र नेपालगन्जका १ जना रहेका छन्। बाँकेमा कूल संक्रमित ४ सय ५ मध्ये अव आइसोलेसनमा २६ जनामात्र रहेको जिल्ला स्वास्थ्य कार्यालय बाँकेको कोरोना फोकल पर्सन नरेश श्रेष्ठले जानकारी दिनुभयो ।
तिमध्ये प्यूठान र जुम्लाका एकएक जना रहेको श्रेष्ठले बताउनुभयो । ८ महिला र १८ पुरुष अहिले आइसोलेसनमा छन् । बाँकेका ८ वटा पालिकामध्ये नेपालगन्ज उपमहानगरपालिकाका ८, कोहलपुर नगरपालिकाका ३, खजुरा गाउँपालिकाका ८, राप्तीसोनारीका ४ र बैजनाथका १ जना रहेका छन्।
नरैनापुर, जानकी र डुडुवा गाउँपालिकामा भने नयाँ संक्रमित थपिएका छैनन् । यी पालिका कोरोनामुक्त भइसकेका छन् ।
ADVERTISEMENT
Discussion about this post