बाँके साउन ३१ गते ।
स्थानीय प्रशासनले बाँकेमा जारी निषेधाज्ञा शुक्रबार रातीबाट हटाइएको छ । निषेधाज्ञा हटेपनि कोरोना भाइरसको जोखिम कायमै रहेकाले उच्च सावधानी अपनाउन स्थानीय प्रशासनले सबैलाई आग्रह गरेको छ ।
प्रशासनले आज शनिवारदेखि यातायातमा जोरविजोर प्रर्णाली लागु गरेको छ । अन्तिममा ०, २, ४, ६ र ८ अंक बाहेकका निजी सवारीसाधन मात्र आज चलाउन मिल्ने बाँकेका प्रमुख जिल्ला अधिकारी रामबहादुर कुरुम्वाङले जानकारी दिनुभयो ।
निषेधाज्ञा हटाइएपनि कोरोनाको जोखिम कायमै रहेकाले सर्वसाधरणहरुलाई इमान्दार र जिम्मेवार बनिदिन उहाँको आग्रह छ ।अत्यावश्यकीय कामबाहेक घर बाहिर ननिस्कन र अनावश्यक भिडभाड नगर्न पनि उहाँले आग्रह गर्नुभयो । उहाँले भन्नुभयो –‘हामी कोरोना भाइरस संक्रमणको उच्च जोखिममा छौं ।
सामाजिक दूरी, मास्कको अनिवार्य प्रयोग र स्वास्थ्य सम्बन्धि सावधानी अपनाएर कोरोनाबाट बच्न र बचाउँन सकिन्छ । यो हामी सबैको जिम्मेवारी र दायित्व हो ।’ कोरोना भाइरसको जोखिम बढेसँगै बाँकेमा स्थानीय प्रशासनले साउन १७ गते रातीदेखि निषेधाज्ञा जारी गरेको थियो ।
Discussion about this post