बाँके साउन ३० गते ।
कर्णाली प्रदेशका सामाजिक बिकास मन्त्री दल रावलकाे नेपालगन्जस्थित घरमा भेटिएको शंकास्पद कालो झाेलामा महिला र पुरूषका कपडा मात्र रहेकाे पाईएकाे छ ।
शुक्रबार साँझ नेपालगन्ज वडा नं-४ गणेशपुरमा रहेकाे मन्त्री रावलकाे घरकाे पर्खालमा कालाे झाेला भेटिएपछि अबेर राती पुगेकाे नेपाली सेनाकाे बम डिस्पोजल टाेलीले खाेलेर हेर्दा महिला र पुरूषका कपडाहरू रहेकाे पाईएकाे छ ।
शुक्रबार दिउँसो नै बाटाेमा वेवारेसे देखिएकाे उक्त झाेला साँझ मन्त्री रावलकाे घरकाे पर्खालमा देखिएपछि स्थानीयले प्रहरीलाई खबर गरेका थिए । घट्नास्थलमा प्रहरी पुगेकाे दुई घन्टापछि सेनाकाे डिस्पाेल टाेली पुगेर साे झाेला खालेर हेरकाे हाे ।
पछिल्लो दुई दिनयता नेपालगन्जमा अज्ञात व्यक्तिले दुई स्थानमा त्रास नै सृजना गरेकाे छ । बिहीबार साँझ नेपालगन्जकाे त्रिवेणी माेडमा समेत शंकास्पद शुटकेश फेला परेकाे थियाे भने त्यसकाे भाेलिपल्ट शुक्रबार फेरि नेपालगन्ज गणेशपुरमा साेही प्रकृतिको शंकास्पद बस्तु फेला पर्याे ।
दुबै स्थानमा भेटिएको झाेलामा कपडा नै फेला परेकाे छ । घट्नास्थलमा रहेकाे प्रहरीका अनुसार गणेशपुरमा भेटिएकाे झाेलामा पाईन्ट लगायतका कपडा फेला परेकाे छ ।
Discussion about this post