ताहिर शेष राई (साहिल)
अरबी पात्रो अनुसार १४४२ हिजरी अर्थात इस्लाम धर्मवलम्बीहरुको महान पर्व मोहरर्मको ९ तारीख अर्थात भादौं १३ गते विभिन्न स्थान र घरघरमा मुस्लिम परम्परा अनुसार नेपालगन्ज लगायत विभिन्न स्थानमा ताजिया राखिएका छन ।
कोभिड-१९ को महामारीलाई मध्येनजर गर्दै मोहरर्म पर्वलाई सामाजिक सुरक्षा मापदण्ड अनुसार मोहरर्म पर्वलाई मनाउने भएको छ्न । नेपालगन्ज सहित जिल्लाको विभिन्न स्थानमा कोरोना भाइरसको जोखिम उच्च देखेपछि मोहरर्म पर्वलाई घरमै मनाउन संयुक्त मोहरर्म समितीले पत्रकार भेटघाटमा जानकारी गराएका थिए ।
सौहार्दको शहर नेपालगन्जमा मोहरर्म पर्वलाई भौतिक दुरि र माक्स प्रयोग गरि शान्तिपुर्ण ढंगले मनाउन सर्वसाधारणलाई समितिका अध्यक्ष गुलाम हुसैन वारसीले अपील गरेका छ्न । मोहरर्म पर्वमा पुर्खौदेखि परम्परा अनुसार चौकमा ताजिया राखने रितिरिवाजलाई मध्येनजर गर्दै प्रशासनले आदेश दिएको हो ।
सो पर्वमा रातभरी जागरण गरि दुरुद फातिहा तथा मज्लिस लगायत विभिन्न कार्यक्रम गरि समाजिक दुरिलाई मध्येनजर गर्दै मनाएका छन । जागरणमा सुरक्षामा खटिएका प्रहरीले समेत सहयोग गरेका थिए ।
उक्त मोहरर्म पर्वमा आइतबार स्थानीय कर्बलामा ताजिया बिसर्जन गरि सम्पुर्ण कार्यक्रम समापन गरिने छ।
Discussion about this post