बाँके असोज २१ गते ।
नेपालगन्जको जमुनाह नाकामा यतिबेला ठेलमलेठ भिडभाड हुनु पर्ने हो । तर त्यस्तो छैन् । सुनसानजस्तै छ नाका । हिन्दुहरुको महान ठूला पर्व दशै तिहार आउनै लाग्दा पनि भारतबाट आउने नेपालीको संख्या नाकामा छैन् ।
बरु भारतीयहरु रोजगारी तथा आफन्त भेट्न नाकाबाट प्रवेश गर्नेहरुको संख्या बढी छ । कोरोना भाइरस संक्रमणका कारण लकडाउन अवधिमा रोजगारीका शिलशिलामा रहेका नेपालीहरु धमाधम नेपाल आए ।
रोजगारका शिलशिलामा भारत पुगेका नेपालीहरु लकडाउनका कारण ५÷६ महिना अगावै घर फर्किए । जस्का कारण दशैको मुखमा पनि भारतबाट नेपालीहरु आउनेक्रम न्यून भएको जमुनाह प्रहरीका इन्चार्ज विष्णु गिरीले बताउनुभयो । ‘यो बेला दैनिक चार पाँच हजार मानिसहरु भित्रिने बेला हो गिरीले भन्नुभयो–‘अहिले मुस्किलले डेढ दुई सय नेपालीहरु पनि आउने गरेका छैनन् ।’
बरु जानेहरुको संख्या धेरै रहेको उहाँको भनाइ छ । लामो समयसम्म घरमा बेरोजगार बस्दा दशैतिहार मनाउने पैसा अभावले भारत पस्नेक्रम बढेको इन्चार्ज गिरीले बताउनुभयो । नाकामा अहिले खासै सुरक्षा चुनौति पनि छैन् ।
आउने र जाने मानिसहरुको संख्या घटेसँगै सुरक्षा चुनौति पनि कम भएको हो । आधारकार्ड हुनेहरुलाई आउजाउ गर्न दिने गरिएको जानकारी दिँदै उहाँले भारतीय सुरक्षाबल एसएसवीसँगको समन्वय र सहकार्यबाट दुवैतर्फका नागरिकहरुलाई सहज र सरल तरिकाबाट सेवा दिने काम भएको बताउनुभयो । विगतका बर्षहरुमा भारतबाट फर्किने नेपालीहरु सीमामा लुटिने र ठगिने गरेका समाचारहरु आउने गरेका थिए । तर योपाली त्यस्तो समस्या छैन्।
‘लकडाउनका अवधिमा धेरै नेपाली फर्किए, अहिले नेपालीहरु आउने संख्या निकै कम छ गिरीले भन्नुभयो–‘मानिसहरु आउने संख्या नै कम भएपछि लुटपाट र ठगिका घटना स्वभाविक कम भैहाल्छ ।’ सीमाबाट हुने अवाञ्छित गतिविधि नियन्त्रणका लागि भारतीय एसएसवीसँग प्रभावकारी समन्वय भइरहेको उहाँको भनाइ छ ।
‘एसएसवीका अधिकारी निकै सहयोगी र मित्रवत हुनुहुन्छ उहाँले भन्नुभयो–‘नाकाबाट अवैध गतिविधी नियन्त्रणलाई ठप्प पारिएको छ ।’ नाकामा गिरीको नेतृत्वमा खटिएको प्रहरी टोली र सशस्त्र प्रहरीले चेकजाँचलाई कडाइ गर्दै आएको छ ।
‘समस्या र चुनौति खासै छैन् प्रहरीको काम शान्ति सुरक्षा कायम गर्ने हो उहाँले भन्नुभयो–‘त्यसका लागि हामी प्रतिबद्ध छौं ।’ गिरीको आगमनसँगै पोष्टको चेहरा नै फेरिएको छ । पहिले त्यो पोष्टमा लामखुट्ेले बसिनसक्नु हुन्थ्यो । झ्यालको सिसा समेत थिएन ।
तर गिरीको आगमनसँगै पोष्टमा एसी जडान गरिएको छ । झ्यालमा सिसा हालिएको छ । पर्दा लगाइएको छ । पोष्ट चिकिक्क परेको छ ।
Discussion about this post