बाँके असोज २१ गते ।
विभिन्न अपराधमा घटनामा संलग्न भएकाहरुलाई बाँके प्रहरीले पक्राउ गरेको छ । आज पत्रकार सम्मेलनको आयोजना गरी एसपी ओम रानाले पक्राउ व्यक्तिहरुको बारेमा जानकारी दिनुभएको छ । उनीहरुलाई विभिन्न स्थानबाट पक्राउ गरिएको छ । पक्राउ पर्नेहरुमा बालिका अपहरण गर्नेदेखि जंगली जनावर मार्नेसम्मका छन् ।
कटुवा पेस्तोलसहित दुई पक्राउ
प्रहरीले मंगलवार कटवा पेस्तोल सहित दुईजनालाई पक्राउ गरेको छ । नेपालगन्ज उहानरपालिका वडा नं २० मनिकापुर बस्ने बर्ष ६२ का सलिम नाँउ र अर्का वडा नंं. १९ बसुदेबपुर बस्ने बर्ष ३३ का ईब्राहिम बेहनालाई नरैनापुर गाउँपालिका ५ सर्वराजपुरुवा भन्ने ठाउँबाट पक्राउ गरिएको हो । हातहतियारको ओसारपसार भईरहेको भन्ने सुचनाको आधारमा ईलाका प्रहरी कार्यालय भगवानपुरबाट प्रनि बसन्त गौतमको प्रहरी टोलिले चेकजाँच गर्ने क्रममा उनीहरु पक्राउ परेका हुन् । उनीहरुको साथबाट कटुवा पेस्तोल २ र सलिम नाँउले लगाएको स्टकोटको वाँया खल्तीमा रहेको कटवा पेस्तोमा लाग्ने गोली ५ राउण्ड बरामद गरिएको छ । उनीहरुलाई मुलुकी अपराध संहित ऐन २०७४ को परिच्छेद ५ दफा १३२ बमोजिम मुद्धा चलाइएको छ । ५ बर्ष सम्म कैद र ५० हजार रुपैया सम्म जरिवाना हुन सक्ने छ ।
जंगली जनावर चित्तल मार्नेपनि पक्राउ
बाँकेको राप्तीसोनारी गाउँपालिकामा जंगली जनावर चित्तल मार्ने दई जना प्रहरीको फन्दामा परेका छन् । राप्तीसोनारी ६ कुण्डाचोक स्थितमा जंगली जनावर चित्तल मारेको भन्ने सुचनाको आधारमा ईप्रका बनकट्टी र अ.प्र.पोष्ट फत्तेपुरबाट खटिएको प्रहरी टोलिले बाँके डुडुवा गाउपालिका ४ राप्तीनदी पुलबाट स्थानीय २३ बर्षीय सामेला रोका र २८ बर्षका अन्जन हमाल पक्राउ परेका हुन् । भे ८ प ५४६५ नम्वरको मोटरसाइकलमा फत्तेपुरबाट नेपालगंज तर्फ बोरामा राखेर ल्याउँदै गरेको अवस्थामा २६ कलो चित्तलको मासुसहित उनीहरु प्रहरीको फन्दामा परेका हुन् ।बरामद चितल जिल्ला बाँके राप्तीसोनारी ६ ढलैया वस्ने रामु वली बाट रु ११ हजारमा खरिद गरि ल्याएको उनीहरुले वयान दिएका छन् । रामु ओली भने फरार छन् । उनीहरुमाथि थप छानविन सुरु गरिएको प्रहरीले जनाएको छ । उनीहरु दोषी ठहर भए राष्ट्रिय निकुन्ज तथा वन्यजन्तु संरक्षण ऐन २०२९ को दफा २६ क बमोजिमको १० लाख सम्म जरिवाना र ५ वर्ष देखी १० वर्ष सम्म कैद वा दुवै सजाय हुन सक्ने छ ।
अपहरित बालिकाको २ महिनापछि उद्दार, तीन जना पक्राउ
दुई महिनादेखि अपहरित बालिकाको प्रहरीले उद्दार गरेको छ । ती बालिका अपहरणमा संलग्न बर्दिया बढैयाताल गाउँपालिका ७ का २१ बर्षीय मुकेश यादव, ५५ बर्षीय हरिराम अहिर र बढैयाताल ७ का ३५ बषीए अगलेश यादवलाई पक्राउ गरिएको हो ।
अगलेश यादव समेतका ब्यक्तिहरु घरमा आई पीडित नाबालिकालाई डर त्रास देखाई अपहरण गरी भारत उत्तर प्रदेश, जिल्ला गौतम बुद्द नगर, थाना बादलपुर, दुजानामा बन्धक बनाई राखेको खुलेको छ । बाँके प्रहरीबाट प्रहरी निरक्षिक हृदेश कुमार सापकोटाको टोलीले भारतिय प्रहरी संग समन्वय गरि निज पिडित नाबालिकाको उद्दार गरी संलग्नलाई पक्राउ गरि अनुसन्धान भईरहेको एसपी रानाले बताउनुभयो ।
मुलुकी अपराध संहित ऐन २०७४ को अपहरण लिन नहुने महलको परिच्छेद १७ दफा २१४ बमोजिमको १० बर्ष देखि १५ बर्ष सम्म कैद र १ लाख देखि १ लाख ५० हजार रुपैया सम्म जरिवाना हुने कानुनी व्यवस्था छ ।
Discussion about this post