नेपालगन्ज: विभिन्न स्थानमा मुर्ति निर्माण कार्य अन्तिम चरणमा

नन्दलाल साहू
बाँके असोज ३० गते ।
हरेक वर्ष झैं यस वर्ष पनि नेपालगन्जको विभिन्न स्थानमा मुर्ति निर्माण कार्य अन्तिम चरणमा पुगिसकेको छ । गाउँ, नगर गरि जिल्लामा प्रतेक वर्ष लगभग पाँच सय बढी मुर्तिहरुको स्थापना हुने गरेको छ । मुर्ति कलाकार सन्दीप वंशकारका अनुसार महिना दिन अगावैदेखि मुर्ति बनाउन शुरु गरिएकाे छ । परिवारका सात-आठ जनाले मिलेर यस पटकको शरदिय नवरात्रीको बेलासम्म जम्मा ११ वटा मुर्ति बनाएकाे उहाँले बताउनुभयो ।

मुर्ति निर्माण कार्य लगभग पूरा हुने अवस्थामा छ । आर्डर अनुसारको गाउँ तथा नगरको गरि जम्मा यस पटक ११ वटा मुर्ति बनाउन सफल भएको कलाकार वंशकारले बताउनुभयाे ।

यसैगरी मुर्तिकार विनय लखेरका अनुसार यसपालिको मुर्ति निर्माणकार्यलाई कोरोनाकालले पनि प्रभावित गरेको छ ।कोरोनाले गर्दा यस पटक मुर्ति स्थापनामा कमि आउने बताउनुभयाे ।मुर्तिकार लखेरका अनुसार विगतको वर्षहरुमा चार सयको हाराहारीमा सीमासंग जोडिएको भारतको विभिन्न स्थानबाट मुर्तिहरु आउने गरेको भएपनि यसपटक कोरोनाले गर्दा आउन पाएका छैनन् ।मुर्ति भारतबाट आउन नपाए पनि यस पटक नेपालगन्जमा कोरोनाले कारण तचहल पहल कम भएकाे छ ।

आफुले यस पटक कुल २८ वटा मुर्ति निर्माण गरिरहेको उहाँले बताउनुभयो ।लखेरका अनुसार आफ्नो यहाँ मुर्तिको मुल्य १५ हजारदेखि ४५ हजारसम्मको मुर्ति निर्माण कार्य भैरहेको जानकारी दिनुभयाे ।