सरला सुबेदी
बाँके कार्तिक १ गते ।
कोरोनाको कहरलाई साच्चै चाडपर्वको रहर हर्ष उल्लासले मारेकै हो त?? यदि कोरोनाको डर मनमा छ भने किन कसका लागि यतिका लापरबाही हामी आफैले बुझ्नु पर्ने कुरा होइन र ?नेपालीहरुको महान् चाड दसैं आजदेखि सुरु हुँदै गर्दा सर्वसाधारणले चाडपर्व केन्द्रित जनस्वास्थ्य मापदण्डको उल्लंघन गर्ने क्रम ह्वात्तै बढेको छ । जसका कारण कोरोना संक्रमण दर पनि बढ्न पुगेको छ ।
कोरोना भाइरस जोखिमलाई मध्यनजर गर्दै सरकारले चाडपर्व केन्द्रित जनस्वास्थ्य मापदण्ड जारी गरे पनि कार्यान्वयनमा आशंका हुन थालेको छ । आमनागरिकमा अनुशासन हराउँदै जाँदा मापदण्ड कार्यान्वयनमा नै समस्या सिर्जना भएको देखिएको छ ।
स्वास्थ्य तथा जनसंख्या मन्त्रालयले जारी गरेको मापदण्डका अधिकांश बुँदाहरू कार्यान्वयनमा आउन नसक्दा जोखिम दिन प्रतिदिन बढ्दै गएको विज्ञहरूको भनाइ छ । हाल औसतमा दैनिक २ हजार ५ सय जनाको हाराहारीमा संक्रमित थपिन थालेका छन् ।
स्वास्थ्य मन्त्रालयले गत २२ साउनमा चाडपर्व, जात्रा तथा उत्सवहरू मनाउँदा पालना गर्नुपर्ने जनस्वास्थ्य मापदण्ड जारी गरेको थियो । अहिले पनि अधिकांश सर्वसाधारणले भौतिक दुरी पालना गरेका छैनन् भने मास्कको सहि प्रयोग गरेका छैनन् ।
चाडपर्व नजिकिदैगर्दा बाँके जिल्लाका मुख्य बजारहरुमा पनि भिडभाड एकदमै बढेको छ दशैको चलहपहल सुरु भएसङ्गै कोरोना कहर सकिएको सबैलाइ भान भए जस्तो लाग्छ शहर बजारमा किराना पसलदेखी कपडा पसलमा लागेको भिडभाडले साच्चै कोरोना सकिएकै हो त? स्वास्थ जस्तो संबेदनसिल कुरा प्रती आमनागरिकको कुनै चासो नभएको देखिन्छ सरकार अनि स्थानिय प्रशासनले नितिनियम बनाएतापनी सर्वसाधारण हामी जनताले कुनै कुरा पालना गरेका छैनौ आखिर साबधानी आफ्नै लागि त हो ।
त्यसैले आफ्नो सानो लापरवाहीले आफ्नो अनि परिवार अनि छिमेकी हरुको ज्यान जोखिममा पार्ने काम नगरौ यो बर्षको दशै घरमै बसेर मनाए नमरी बाचे अर्को पटकको दशै धुमधामले मनाए हुन्छ नि ।
यदि हामिले कोरोनालाई परास्त गर्न सकेउ भने हाइसङ्गै परिवार र छिमेकिले अर्को अर्को पटक दशै धुमधामले मनाउन सक्छौं त्यसैले सबैले साबधानी र सतर्कता अपनाउ सरकार ए स्थानिय प्रशासनले लगाएको नियमको खिल्ली उडाउने काम नगरौ संबेदनसिल भएर सबै नियम पालना गरौ ।
Discussion about this post