बाँके कार्तिक ७ गते ।
नेपालगन्जको त्रिभुवन चोकस्थित दुर्गा भवानी मुर्तिको बाँकेका एसपी ओम बहादुर रानाले अवलोकन गर्नुभएको छ ।
बिहीबार राती एसपी रानाले दुर्गा भवानी मुर्तिको अवलोकन साथै उहाँले आरती समेत गर्नुभएको छ ।
त्यसक्रममा एसपी रानाले धार्मिक सदभावका साथ चाडपर्व मनाउन उहाँले आग्रह गर्नुभयो। सामाजिक सद्भाव, धार्मिक सदभाव ठूलो आवश्यकता रहेकोले दुर्गा भवानीले सबैको रक्षा गरुन भन्दै दशैको शुभकामना समेत दिनुभयो । बडादशैको मुर्ती बिसर्जन, तथा होमहम्मद डे शान्ति एकता सदभावको साथ सम्पन्न गराउन उहाँले हिन्दू मुस्लिम लगायतका अगुवाहरूसँग आग्रह समेत गर्नुभयो । उहाँले स्वास्थ्य सुरक्षा र सामाजिक दूरीको पालना गरेर पर्व मनाउन अपिल गर्नुभयो । कोरोना महामारीका कारण स्वास्थ्य प्रोटोकल पालना गरिदिन उहाँको आग्रह थियो ।
मुस्लिम अगुवा अब्दुल हमीद सिद्दीकी (भोला) ले नेपालगन्ज धार्मिक सदभावको नमुना शहर भएको बताउनुभयो । उहाँले सबै धर्मका चाडपर्वलाई सबैले सम्मानका साथ मनाउनु पर्ने बताउनुभयो । धार्मिक सद्भाव समिति नेपालकै नमुना बनेको उल्लेख गर्नुभयो ।
काँग्रेस नेता सुधांशु कोइरालाले एकआपसमा मिलेर एकताको सन्देश प्रवाह गर्ने गरी पर्व मनाउन आव्हान गर्नुभयो ।
विश्व नै कोरोना महामारीले आंतक मच्चाएका कारण यसपाली खुलेर चाडपर्व मनाउने अवस्था नरहेकाले घरभित्रै खुसीयालीका साथ मनाउन आग्रह गर्नुभयो ।
धार्मिक सामाजिक सद्भावका दिपकलोध मेराज अहमद (हिमालय) अतहर हुसैन फारूकी, बिरू गुप्ता अतुल गुप्ता लगायतका कार्यक्रममा सहभागिता रहेको थियो ।
Discussion about this post