वसिम अन्सारी
बाँके पुस ८ गते ।
जसपाका प्रभावशाली नेता तथा पूर्वमन्त्री मोहम्मद इस्तियाक राइले केपी ओली सरकारले संसद विघटन गरेर मुलुकमा अस्थिरता निम्ताएको आरोप लगाउनुभएको छ । प्रधानमन्त्री ओलीको संसद विघटन गर्ने कदमलाई असंवैधानिक एवं लोकतन्त्रविरोधी बताएका छन् । उहाँले प्रधानमन्त्री ओलीको कदम राजनीतिक रूपमा पनि लोकतन्त्रविरोधी र निन्दनीय भएको बताउनुभयो ।
‘राजनीतिक रूपमा पनि उहाँले अत्यन्तै लोकतन्त्रविरोधी कदम चाल्नुभएको ठहरिन्छ’, उहाँले भन्नुभयो, ‘पार्टीभित्र पनि पार्टी निर्णय र पद्धतिविरुद्ध कम्युनिस्ट पार्टीको मान्यताको विरुद्धमा उहाँ सर्वसत्तावादी ढंगले चल्नुभएको छ, उहाँको कदम अत्यन्तै निन्दनीय छ ।’ ओलीको कदम राजनीतिक परिवर्तनलाई पछाडि धकेल्ने निर्णय भएको बताउनुभयो। जसपाले आज निकालेको विरोध प्रदर्शनलाई वीपी चोकमा सम्वोधन गर्दै पूर्वमन्त्री राइले अलोकतान्त्रिक, असंबैधानिक र गैरराजनीति उक्त निर्णय विरुद्ध सडक आन्दोलन चर्काइने चेतावनी दिनुभयो ।
संबिधान विघटन गर्ने प्रधानमन्त्रीलाई कुनै अधिकार नभएको भन्दै उहाँले आक्रोस पोख्नुभयो । संबिधानले स्पष्ट दुई तिहाइको सरकारले संबिधान विघटन गर्न नपाउने उल्लेख गरेकाले प्रधानमन्त्रीले संबिधान विरोधी हर्कत गरेको आरोप लगाउनुभयो । उहाँले असंबैधानिक र अलोकतान्त्रिक कदमलाई न्यायलयले खारेज गर्नुपर्ने बताउनुभयो । जनआन्दोलन र मधेश आन्दोलनसँगै गरेको स्मरण गर्दै उहाँले प्रधानमन्त्री र राष्टपतिलाई पनि आन्दोलनबाटै फालिने चेतावनी दिनुभयो ।
उहाँले संघीयता र गणतन्त्रविरोधी विरुद्ध अव चुप लागेर नबस्ने बताउनुभयो । नेता कमरुद्दिन राइले संबिधानमाथि प्रहार गर्ने यो खेलविरुद्ध एक भएर आन्दोलन गरिने चेतावनी दिनुभयो । संघीयता र गणतन्त्रलाई धरासायी पार्ने काम कसैबाट हुन नहुने भन्दै त्यसो गरिए फेरी सशक्त आन्दोलन गरिने उहाँको भनाइ छ ।एमपी स्कुल देखि सुरु गरिएको र्याली रानी तलाब भएर त्रिभुवन चोक हुँदै बिपि चोकमा समापन भएको थियो । र्यालीमा पार्टीका नेता सम्सुल हक राई राजन राना मगर, अम्बिका काफ्ले, बेबि तबस्सुम, रमारानी वैश्य, फैज हैदर, माजिद अलि शेष, लगायत पार्टीका नेता कार्यकर्ताको सहभागी थियो ।
Discussion about this post