बाँके वैशाख १२ गते।
लागुऔषध कारोबारीलाई नियन्त्रणमा लिन बाँके प्रहरीले गोली प्रहार गरेको छ। नेपालगञ्ज उपमहानगरपालिका–२२, शान्तिचोक नजिकै लागुऔषध कारोबार भइरहेको सूचनाको आधारमा पुगेको लागुऔषध नियन्त्रण ब्युरो नेपालगञ्ज र जिल्ला प्रहरी कार्यालय बाँकेको संयुक्त टोलीले तीन राउण्ड गोली चलाएको हो।
प्रहरीका अनुसार कारोबारीलाई नियन्त्रणमा लिने क्रममा उनीहरूले प्रतिरोध गरेपछि स्थिति नियन्त्रणमा लिन गोली चलाइएको जनाइएको छ।
घटनास्थलबाट प्रहरीले नेपालगञ्ज–२२ का २८ वर्षीय दिनेश बासखोरको साथबाट लागुऔषध जस्तो देखिने खैरो धुलो पदार्थ करिब ३७० ग्राम बरामद गरेको छ। साथै सोही स्थानका ३५ वर्षीय नुर मोहम्मद किंगरिया र २९ वर्षीय फिरोज साईलाई पनि नियन्त्रणमा लिइएको छ।
जिल्ला प्रहरी कार्यालय बाँकेका प्रमुख प्रहरी उपरीक्षक (एसपी) अंगुर जिसीका अनुसार पक्राउ परेकाहरूबाट थप अनुसन्धान भइरहेको छ।
Discussion about this post