बाँके माघ ५ गते ।
अवध क्षेत्रबासी वीरहरुको बलिदानीले मधेशको विकासलाई नेपाली शासकहरुले रोकेको आज एक कार्यक्रममा आरोप लगाइएको छ । सिके रावतको जनमत पार्टीद्वारा बाँकेकोडुडुवा गाउँपालिकाको बेतहनीमा आयोजना गरिएको शहिद वीरहरुको सम्झनामा आयोजित श्रद्धाञ्जली सभामा बोल्ने सहभागी वक्ताहरुले सो आरोप लगाएका हुन् ।
श्रद्धाञ्जली सभामा बोल्दै जनमत पार्टीका केन्द्रिय सदस्य ईरफान अहमद शेषले मधेशको नाम भजाँई मधेशी दलका नेताहरुले सत्ताको भोग गरिरहेको आरोप लगाए । ‘सिके रावत’ स्वराजको अभियानलाई दबाउन गोरे पहाडीभन्दा काले मधेशी नै धेरै संक्रिय रहेको उनको भनाइ छ । शेषले काँग्रेस, नेकपा एमाले, राप्रपा, जसपालगायतका पार्टीले मधेश र मधेशी जनताको शोसन र दमन बाहेक उनीहरुको हकअधिकारका लागि कुनै पनि काम गर्न नसकेको बताए ।
शेषले प्रश्न गर्दै भनेका छन् उनीहरुले मधेशीबाट चुनाव जितेर जान्छन् तर मधेशीहरुको नागरिकता सम्बन्धी प्रश्न उठ्दा चु–सम्म बोल्दैनन्, मधेश विकासको कुरा उठ्दा किन बोल्दैनन् ? मधेश उपनिवेशकमा भएको बताउँदै यसलाई स्थायित्व गर्नु जनमत पार्टीको पहिलो दायित्व भएको बताए । मधेश स्वातन्त्रताको लागि जनमत संग्रह पार्टीको माग रहेको स्मरण गराउँदै नेता शेषले स्वराजमाथि जति दमन गरेपनि जनमत पार्टी फूलको गुच्छाबाट जहिले पनि स्वागत गर्न तत्पर रहने बताए ।
उनले भने हामी क्रान्तिकारी भएपनि आतंकवादी होइनौं, हामी गान्धीवादी हौं, तर हामी आफ्नो अधिकारको लागि एक इन्चसम्म पछाडी आउँदैनौ । यसका लागि अन्तिम स्वाँससम्म क्रान्ति जारी रहने छ । सेना, प्रहरीलगायतले जति सुकै दमन गरेपनि, जति सुकै लाठी हाने पनि, जेल हाले पनि आफुहरुले सहने भन्दै उनले आफ्नो अधिकारबाट पछाडी कहिल्यै नजाने र दमनकारीहरुलाई फुलबाट स्वागत गर्ने बताए ।
श्रद्धाञ्जली सभामा महिला नेतृ नशिमुन शेष जोयाले महिला हक अधिकारको लागि महारानी लक्ष्मी वाईले गरेको उदाहरण अनुसार अब मधेशी महिलाले समेत क्रान्तिको लागि तयारी गर्नुपर्ने बताईन् ।
नेतृ जोयाले अन्य वर्गको महिलाहरु भन्दा मधेशी महिलाहरुले अति नै पिछडिएको बताउँदै हाल सरकारद्वारा ल्याइएको नागरिकता सम्बन्धी कानुन विभेदपूर्ण रहेको हुँदा त्यसको लागि महिला अगाडी आउनुपर्ने बताईन् ।
श्रद्धाञ्जली सभामा रियाल अहमद शेष, शैलेन्द्रकुमार कर्ण, राजितराम बर्मा, विष्णु यादव, अब्दुल वाहिद शेष, जाविर हल्वाई, मो। हुशेन शाह, हरपाल सिंह, शिवकुमार चौधरीलगायतका नेताहरुको सहभागिता रहेको थियो ।
Discussion about this post