बाँके माघ २५ गते ।
मर्मत सम्भार तथा निर्माणका लागि सम्बन्धीत निकाय उदासिन बन्दा बाँकेको परसपुरदेखि गौघाट जोड्ने १३ किलोमिटर पक्की सडक जीर्ण बन्दै गएको छ । अहिले निर्माण भैरहेको सडक गुणस्तरहीन देखिएको छ । ग्राबेल र बालुवाको मिश्रण नमिलेको, राजनीतिक दाउपेचका कारण जनप्रतिनिधी र कमिशनका लागि यहाँका जानकार तैचुप मैचुपको अवस्थामा रहेको ऋषि पोखरेल आफनो सामाजिक सन्जाल फेसबुकमा गुनासो पोख्छन ।
उक्त सडकमा ग्रावेल कम वालुवा बढी हालिएको र सडकको माटो समेत गतिलोसँग पटान नगरिएको उनले फेसकुबमार्फत खुलासा गरेका छन । सडकमा आवतजावत गर्ने सवारी साधन र आमनागरिकलाई सास्ती हुँदै आएको छ । जताततै सडकमा खाल्डाखुल्डी छन् ।
पानी पर्दा ती खाल्डाखुल्डीमा पानी जम्ने र सडक नै जलमग्न हुने गरेको छ । कालोपत्रे उत्रिएको ठाउँमा त सडक हिलाम्मे हुँदा तीब्र गतिमा गुडिरहेका कतिपय सवारी साधन चिप्लिएर दुर्घटना समेत पर्ने गरेका छन् ।
सडकको अवस्था दयनिय छ । तीन मिटर कालोपत्रे गराएको उक्त सडकमा अहिले कालोपत्रे उत्रिएर एकदेखि डेढ मिटरमा सिमित छ ।
कतिपय ठाउँमा त त्यहि पनि छैन् । जानकी र खुजरा गाउँपालिका भित्र पर्ने उक्त सडक मर्मत तथा पुन निर्माणका लागि दुवै गाउँपालिका उदासिन छन् । सडक डिभिजन कार्यालय समेत यस बिषयमा गम्भीर हुन सकेको छैन् । सडक निमार्णका लागि खजुरा तथा उक्त सडक क्षेत्रका नागरिक समेतले चासो देखाएका छैनन् । उक्त सडक भएर साँसद नन्दलाल रोकाय, बाबुराम गौतम र नेकपाका नेता रत्न खत्रीगायतका व्यक्ति अधिकाशं समय आवतजावत गर्दै आएका छन् ।
उनीहरूले सडकको अवस्था नजिकबाट निहालेका छन । तर, यसको मर्मतका लागि उनीहरू पनि रमिते छन । सडकको विस्तार र निर्माणका लागि खासै काम अघि बढेको छैन् । गरिएपनि बिचमै अलपत्र परेको देखिएको छ । ३२ करोड बजेट विनियोजन गरिएको चर्चा थियो । सडकको नामको बजेट अहिलेपनि खर्च हुन सकेको छैन् ।
तर, उक्त बजेट अहिले कहाँ छ रु यसको कुनै लेखाजोखा छैन् । सडकको अवस्था दैनिक जीर्ण बन्दै छ । विनियोजित बजेट अलपत्र छ । जनताले सास्ती भोगिरहेका छन् । स्थानीयदेखि प्रदेश र संघीय जनप्रतिनिधी रमिते देखिएका छन् । जीर्ण परसपुरदेखि गौघाट सडक विस्तार र सुधारको पखाईमा छ ।
Discussion about this post