बाँके माघ २५ गते ।
बाँकेको कोहलपुर नगरपालिका वडा नम्बर ११ साझामा डेरा बस्दै आएकी माया रोकाया करिब ५ वर्ष अघि काठमण्डौ जाने क्रममा सवारी दुर्घनामा परी उनी घाईते भएकी थिईन् । उनले उक्त दुर्घटनाबाट आफ्नो बाँया खुट्टा समेत गुमाईन् । दुर्घटनाका कारण खुट्टा गुमाएकी रोकायाका श्रीमानले खुट्टा गुमेकै कारण छोडेर गएका थिए । अहिले उनका श्रीमान कहाँ छन् ? के गर्दै छन् ? कुनै पत्तो छैन । उनले खुट्टा मात्रै होईन्, जीन्दगीको साहारा गुमाईन् । खुट्टा गुमेकोमा उनलाई त्यत्ति दुख लागेन जति दुख सँगै बाँच्ने सँगै मर्ने कसम खाएका श्रीमान गुमाउनु पर्याे ।
जुम्ला माईती घर रहेकी रोकायाले जनयूद्धको बेलामा बैतडीका एक युवासँग भुमिगत विवाह गरेकी थिईन् । अहिले साँझ बिहानको छाक जोड्न पनि निकै मुस्किल रहेको रोकायाले बताईन् । उनले भनिन्,–‘कहिलेकाही माईतीले सहयोग गर्छन् । श्रीमानले पहिले पनि वास्ता गर्दैन थे । झन् अपाङ्ग भएपछि छोडेरै गए अहिले सम्पर्क नै छैन । मेरो आफ्नो मान्छे कोही छैन । मेचीमहाकाली बुहारी संयुक्त अवाजले मलाई यति सहयोग गरेकोमा धेरै धन्यवाद ।’ मेचीमहाकाली बुहारी संयुक्त अवाज बाँके शाखाले रोकायालाई शनिबार सिलाई मेसिन दिएको छ । जिविकोपार्जनमा सहजताका लागि एक थान सिलाई मेसिन दिएको हो ।
सिलाई मेसिनसँगै संस्थाकी सचिव प्रमिला शाहीले रोकायालाई ६ महिनासम्म सिलाईकटाईको सिप सिकाउने जिम्मेवारी समेत लिएकी छन् । शाहीले आफ्नो जन्मदिनको अवसरमा रोकायालाई सिप सिकाएर आत्मनिर्भर बनाउने जिम्मेवारी लिएकी हुन् । विगत लामो समयदेखि एकल पमा बस्दै आएकी रोकायाको आर्थिक अवस्था न्युन रहेको छ । उनका साथमा १ छोरा समेत रहेका छन् । कार्यक्रममा संस्थामा आवद्ध रेणुका खड्का, प्रेमिका शाही, उमिला अधिकारी पाण्डे, लगायतका पदाधिकारीहरुको सहभागिता रहेको थियो । रोकायालाई मेसिन सहयोगका लागि आर्थिक सहयोग गर्नेहरुको नामावली।
Discussion about this post