जावेद अन्सारी
बाँके जेठ १२ गते ।
गृहमन्त्रालयले देशभरीका जिल्ला प्रशासनलाई लिखित निर्देशन दिदै निषेधाज्ञालाई थप कडाइ गर्न भन्यो । मन्त्रालयले दिएको निर्देशन एक हप्ता पुग्नै लाग्दासमेत बाँकेमा भने पुर्णरुपमा पालना हुन सकेको छैन। बाँकेका प्रमुख जिल्ला अधिकारी शिबराम गेलालले निषेधाज्ञा पालना गराउन चासो नदिएका कारण भाइरस संक्रमणको जोखिम बाँकेमा टर्न सकेको छैन ।
उद्योग ब्यबसाय बन्द छ। सवारीसाधन चलेका छैनन । प्रशासनले पटक पटक गरि बाँकेमा एक महिना देखि निषेधाज्ञा जारी गरेको छ । हप्ता हप्ता दिन भन्दै चार पटक निषेधाज्ञा थप भैसक्यो । तुलनात्मकरुपमा कोरोना भाइरसको संक्रमण कम देखिन थालेको छ। मृत्युदर पनि घटन थालेको छ । तर जोखिम भने टरेको छैन ।
यस्तो अबस्थामा निषेधाज्ञालाई थप कडाइ गर्नु पर्ने हो । प्रजिअ गेलाल बजार अनुगमनमा निस्केको देखिदैनन् । न उनले आफ्नो मातहतलाई निषेधाज्ञा कडाई गर्न निर्देशन दिएका छ्न । भाइरस संक्रमणको जोखिम कायम नै रहेका बेला बजारमा मानिसहरुको चहलपहल बढन थालेको छ ।
यस्तो लाग्छ नेपालगन्जमा निषेधाज्ञा छ र ? अटेरी जनता र निकम्मा प्रजिअ गेलालका कारण भाइरस संक्रमणको जोखिम कायमै रहेको चर्चा बजारमा छ। एकजना चिकित्सक भन्दै थिए नेपालगन्जमा नाम मात्रको निषेधाज्ञा छ। निषेधाज्ञालाई कडाई गर्न नगरका विभिन्न स्थानमा नेपाल प्रहरी, शशस्त्र प्रहरी र नेपाल आर्मी परिचालन गरिएको छ ।
प्रहरीलाई देखे पसल बन्द गर्ने र नदेखे खोलीहाल्ने ब्यापारी पनि छन । कयौं ब्यापारीले आफ्नो व्यावसाय बन्द गरेर भाइरस संक्रमणको जोखिम कम गर्न प्रयास गरिरहेका पनि छन । तर यहि मौकामा चौका हान्ने व्यापारी पनि यहि छ्न । करिब एक महिना देखि पसल बन्द गरेका एक ब्यापारी भन्दै थिए यहाँ त इमानदारीताको कामै रहिन्छ ।
सहि ढंगले स्थानीय प्रशासनले निषेधाज्ञालाई कडाइ गरेको भए यस्तो अवस्था नआउने ती ब्यापारीको बुझाइ छ। खोलेसी कि सबैलाई खोल्न दिनु पर्यो उनले भने कसैलाई खोल्न नदिने कसैलाई खोल्न दिने यो पक्षपात प्रशासनले गर्नु भएन । लखरलखर बजार घुम्ने नागरिकहरुलाई पनि प्रहरी प्रशासनले रोक्न सकेको छैन। त्यसैले एकजना बुद्धिजीवी भन्दै थिए सिडिओ अफिसभित्र जनता सडकमा । कस्लाई के को चासो ?
Discussion about this post