बाँके साउन १६ गते
वरिष्ठ साहीत्यकार प्रेम प्रकाश मल्लको ८६ औं जन्म जयन्तीमा दुई जना स्रष्टालाई सम्मान गरिएको छ । भेरी साहीत्य समाज केन्द्रीय कार्यसमितिद्धारा शनीबार नेपालगञ्जमा आयोजित कार्यक्रममा कवि इन्द्र राज पौडेल र गायक कमल बि के निर्मोहीलाई सम्मान गरियो ।
मल्ललाई स्मरण गर्दै सम्मान स्वरुप २५ हजार राषीको स्मृती पुरस्कार प्रत्येक वर्ष प्रदान गरिदै आइएकोमा यसपाली यो पुरस्कारबाट स्रष्टा द्धयलाई सम्मान गरिएको हो । पौडेलले मल्लको सम्मानमा प्रेमाञ्जली लगायतका संग्रह प्रकाशन गर्नु भएको छ भने गायक बीकेले संगीत क्षेत्रमा विशिष्ठ योगदान पु¥याउनु भएको छ ।
रुकुमको सेरी गाउँमा वि.स.१९९३ श्रावण ११ मा जन्मिएका गीतकार÷ गायक÷ कविका रूपमा परिचित मल्लको २०७२ वैशाख ११ निधन भएको थियो । साहित्य, सङ्गीत र गायनमा समर्पित मल्लले आधा दर्जन बढी साहीत्यीक संग्रह प्रकाशन गर्नु भएको छ ।
माछा पुच्छ्रे« फेवातलमा पौडी खेल्दो रहेछ, वनकी म चरी सुन्छ कठैबरी जस्ता जिवन्त गीतहरू लगायत डेढ दर्जन जति गीत लेखन, गायन र सङ्गीत गरेका मल्लले छिन्नलता गीति पुरस्कार , राष्ट्रिय प्रतिभा पुरस्कार , सारस्वत सम्मान, पूर्णिमा साहित्य रत्न, हाम्रो मझेरी जस्ता सम्मानहरू प्राप्त गर्नु भएको छ ।
पुरस्कार प्रदान गर्दै नेपाल प्रज्ञा प्रतिष्ठानका पुर्व सदस्य सचिव सनत रेग्मीले स्रष्टाको सम्मानमा पुरस्कार प्रदान गरिनुुले अग्रज र नयाँ स्रष्टाबीचको सम्वन्ध विस्तारसँगै कला, साहीत्य सिर्जनामा मद्यत पुग्ने विश्वास व्यक्त गर्नु भयो ।
समाजका अध्यक्ष हरी तिमील्सेनाको अध्यक्षतामा सम्पन्न कार्यक्रममा साहीत्यकार महानन्द ढकालले प्रेम प्रकाश मल्ल र इन्द्र बहादुर भण्डारीले पुरस्कृत व्यक्तित्व द्धयका बारेमा प्रकाश पार्नु भएको थियो ।
मध्यपश्चिम स्रष्टा समाजका अध्यक्ष शुक्रऋषि चौलागाई, अवधी सांस्कृतिक प्रतिष्ठानका अध्यक्ष विष्णु कुम्हाल, मल्लकी छोरी वाणी श्री लगायतले मन्तव्यद्धारा श्रदा सुमन प्रकट गर्नु भएको थियो ।
Discussion about this post