खोजखबर संवाददाता
बाँके भदौ ११ गते ।
दैनिक करिव १० हजार मानिसहरु ओहोरदोहोर गर्ने जमुनाह नाका प्रहरी प्रशासनका लागि मालदार नाकामध्येमा पर्छ । यहाँबाट करोडौंको मालसामान आयात हुने गरेको छ ।
खुला सीमानाको फाइदा उठाउँदै तस्करहरुले करोडौंको अवैध सामान भित्र्याउने गरेका तथ्यहरु बाहिर आउन थालेका छन् । खासगरी सीमाको सुुरक्षार्थ खटिएको जमुनाह प्रहरीको नेतृत्व सेटिङमा चल्दा तस्कर मौलाउनेक्रम बढेको छ । अहिले यो नाकाको इन्चार्ज सइ पूर्ण बहादुर खत्री छन् ।
सन्तोष खनाललाई विस्थापित गरेर नाकाको कमाण्ड सम्हाल्न पुगेका खत्रीले सुरुसुरुमा राम्रै काम गरे । साउन ५ गते जमुनाह इन्चार्जको जिम्मेवारी सम्हालेका खत्रीले सुरुमा तस्करहरुलाई लखटे । नाकाबाट हुने अवैध धन्दालाई निरुत्साहित गर्ने प्रयास गरे । तर अहिले तिनै तस्करसँग हातेमालो गरेर खत्री कमाउ धन्दामा लागेका छन् ।
अनलाइन खोजखवरलाई प्राप्त सूचना अनुसार तस्करहरुले मासिक रकम बुझाउने प्रतिबद्धता गरेपछि अवैध मालसामान भित्र्याउनेक्रम सुरु भएको छ । खत्रीले मातहतका जवानलाई तस्करी गर्न लगाउने गरेका छन् । उनीहरुलाई ईलाका प्रहरी कार्यालय पछाडि असुली गर्न पठाउने गर्छन ।
त्यहीबाट तस्करहरुले अवैध सामान भित्र्याउने गर्छन् । सामान अनुसार ठूलो तस्कर सित ८ हजार देखि २० हजार सम्म खत्रीले लिने गरेका छन् । तस्करसँग मासिक रकम लिने सहमति प्रहरीले गर्छ । तर महिना नपुग्दै खत्रीले ताकेता गर्न थालेपछि तस्करहरु पनि तनावमा छन् ।
खत्रीले सेटिंगमा मिलाएर पठाउने कैयौं सामान नेपालगन्जबाट जिल्ला प्रहरी र वडा प्रहरीको टोलीले पक्राउ गर्ने गरेको छ । एसपी श्यामकृष्ण अधिकारीले पटकपटक निर्देशन समेत दिएका छन् ।
तर खत्रीको कमाउधन्दा छुटेको छैन् । साना तिना गरिव र विपन्न वर्गका किराना सामान बरामद गर्ने र दुख दिने खत्रीले ठूला तस्करसँग भने हात मिलाएर काम गरिरहेका छन् ।
Discussion about this post