बाँके भदौ २२ गते ।
नेपालगन्ज गुलरिया सडक खण्ड अन्र्तगत हुलाकी राजमार्गको मानपुर सडक धानखेत जस्तै बनेको छ। सडकको अवस्था यहाँसम्म हिलाम्मे भएको छ की धानखेत जस्तै भएको हो ।
हिलाम्मे सडकका कारण साना सवारीसाधन चलाउन गाह्रो छ भने पैदल यात्रुको विजोग हुने गरेको छ। जानकी गाउँपालिकामा समस्या बारे पटकपटक जानकारी गराउँदा पनि सुनवाई नभएको स्थानीय नसिब खानले बताए । ‘धेरै पटक भनेपछि बल्ल दुई ट्रक ग्राभेल झारिएको छ ।
बर्षका कारण अहिले करिब ३० मिटर दुरीको सडकमा पानी जमेको छ,’ उनले भने । पानी जमेको र सडकमा खाण्डोका कारण सवारी साधन पानीमा हिड्नु पर्ने अवस्था छ ।
जानकी गाउँपालिकाका कार्यबाहक अध्यक्ष भुमिसरा धितालले तत्काल आउजाउमा सहज बनाउनका लागि ग्रभेल हालेको र सडक बिभागसंग दुबै साइडमा पानी निकासका लागि सानो नाली बनाउने सहमति भएको जनाईन ।
पानी निकासका लागि नाली नहुँदां सडकमा पानी जमेको छ । कार्यबाहक अध्यक्ष धितालका अनुसार तत्कालका लागि ग्रभेल मात्रै हाल्ने, तर नाली निकास नगर्ने स्थानीयको दबाव रहेको छ ।
नेपालगन्ज गुलारिया सडक खण्ड अन्र्तगतको पर्ने उक्त सडक एकदमै व्यस्त सडक अन्र्तगत पर्छ । उक्त सडक भएर दैनिक सयौँ सावारी साधन ओहोरदोहोर गर्ने गर्दछन् । बिग देखि नै उक्त ठाउँमा दुर्घटना हुदै आएको छ ।
सडक फराकिलो बनाउनका लागि बषौ पुरानो घर भत्काईए पनि सडक फराकिलो नहुँदा समास्या समाधन हुन सकेको छैन । नाला नहुँदा समस्या भएको हो ।
Discussion about this post