बाँके कार्तिक १८ गते ।
लक्ष्मीपूजाको दिन लक्ष्मीलाई खुसी पार्न बत्ती बाल्ने गरिन्छ। तर होस नपुर्यायउँदा लक्ष्मी खुसी हुने हैन लक्ष्मीको आशमा भएको धन पनि क्षति हुने स्थिति निम्तिन्छ।
नेपालगञ्ज उपमहानगरपालिका-१ धम्बोझीमा रहेको शिव मन्दिरस्थित चन्दा काँदुको १ तले पक्की घरमा आगो लाग्दा एक लाख नगद र पाँच लाख रुपैयाँ बराबरको क्षति भएको छ ।
काँदुको घरमा कोठा भाडामा बस्ने आदित्य बनवारले लक्ष्मी पूजा गर्न बालिएको दियाेबाट आगो सल्किँदा आगलागी भएको हो ।
बिहीबार राती साढे ९ बजेतिर आगो लागेपछि तत्कालै घटनास्थल पुगेर एसपी श्यामकृष्ण अधिकारी सहित ३५ जनाको प्रहरी टोलि आगो नियन्त्रणमा जुटेका थिए ।
नेपालगञ्ज उपमहानगरपालिकाको बरुण यन्त्र, जिल्ला प्रहरी कार्यालयको वाटर क्यानन भेइकल र स्थानीय वासीको सहयोगमा आगो नियन्त्रणमा लिन सफल भएको एसपी अधिकारीले बताउनुभयो ।
ADVERTISEMENT
Discussion about this post