बाँके कार्तिक २६ गते ।
बाँकेका प्रमुख सहर नेपालगन्ज, कोहलपुर र खजुराका अधिकाश स्थानमा पार्किङ गरिएर राखेका वा यात्रुको पर्खाइमा रहेका अटोरिक्साको कारण दुर्घटना र दुर्घटनाको जोखिम बढेको छ ।
अटो रिक्सा तथा इ-रिक्साहरु अव्यवस्थित रुपमा पार्किङ गरिएका तथा जहाँ पायो त्यही यात्रु चढाउने र ओराल्ने गर्दा साना तथा ठुला दुर्घटनाहरु दैनिक हुने गरेका छन् । अव्यवस्थित र आवश्यकता भन्दा बढी अटोरिक्सा तथा तीन पाङ्ग्रे इरिक्सा नेपालगन्जमा संचालनमा आउँदा दुर्घटना संगै नेपालगन्ज शहर कुरुप बन्दै गएको छ ।
अर्बौंको सरचना भत्काएर बाटो फराकिलो पारे पनि बाटोको दुबै तर्फ र बीचमै अटोरिक्सा राखिदा यात्रुले सास्ती खेप्नु परेको भन्दै सर्वसाधारणहरुले त्यसको आलोचना सुरु गरेका छन् ।
पैदल यात्री तथा सवारीसाधनको समेत बढी चाप रहने स्कुल, कलेज, चोक तथा अस्पताल आसपासका क्षेत्रमा झनै बाक्लो अटोरिक्सा अव्यवस्थित रुपमा रोकिदा दुर्घटना संगै यात्रुले सास्ती भोग्नु परेको छ ।
नेपालगन्ज उपमहानगरपालिका, नगर प्रहरी तथा ट्राफिक प्रहरीको नजर नपुगेको यो समस्यामा भने नेपालगन्जबासीको विरोधको स्वरहरु देखिन थालेको छ । जिल्ला ट्राफिक कार्यालय प्रमुख ऐनबहादुर मल्ल ईरिक्सा र अटोरिक्साको ब्यवस्थापनमा निरही देखिएका छन् ।
एमाले र काँग्रेसका केही युवा नेतालाई पावर लगाएर काजमा बाँकेमा आएका उनलाई दरवन्दी कायम कसरी गराउन सकिन्छ भन्नेमै ध्यान केन्द्रीत हुँदा जिल्लाको ट्राफिक व्यवस्थापन फितलो बन्दै गएको छ ।
Discussion about this post