बाँके फागुन २३ गते ।
कोहलपुर नगरपालिकाकाको १२ नम्बर वडा कार्यालयले आजबाट आफ्नै भवनबाट सेवा सुरु गरेको छ । सोमबार एक औपचारिक कार्यक्रम गरी आफ्नैै भवनबाट सेवा सुरु गरेको हो । कोहलपुर नगरपालिकाका प्रमुख लुट बहादुर रावत र प्रमुख प्रशासकीय अधिकृत टिकाराम ढकाल लगायतले संयुक्त रुपमा उद्घाटन गरेका थिए ।
उद्घाटनको क्रममा बोल्दै नगरप्रमुख रावतले चुनावी एजेण्डाहरुमा रहेका कोहलपुरमा सबै कामहरु भएको बताउनु भयो ।कोहलपुर नगरपालिकामा लामोदुरीको बसपार्क, छोटोदुरीको बसपार्क, भ्यू टावर, बधशाला निर्माण, १५ सैय्याको अस्पताल, बाल अस्पताल, प्रत्येक वडामा आधारभुत अस्पताल, नगरपालिकाको कार्यालयमा सबै वडाहरुको पहुँच हुनेगरी पिच, दरबन्दी मिलानबाट गुणस्तरीय शिक्षा प्रदान, एक वडा एक पिच भन्ने निति तथा कार्यक्रम प्रभावकारी भएको लगायत अन्य विकास कामहरु भएको रावतले दावी गर्नुभयो।
कोहलपुर नगरपालिकाले केही पनि गरेको छैनन भन्छन् तर हामीले चुनावी जे एजेण्डाहरु ल्याएका थियौं त्यहि नै छ ‘बाँकी लालपूर्जाको काम मात्र बाँकी छ त्यो पनि कोहलपुर वडा नम्बर १ मा लालपूर्जा वितरण गर्ने योजनाका साथ नगरपालिकाले ६ जना कर्मचारीमार्फत काम सुरु गरेका छौं उहाले भन्नुभयो ।’ हाम्रो कार्यकालमा वडा नम्बर १ र २ वडाका बासिन्दाहरुलाई लालपूर्जा वितरण गर्ने तयारी छ उहाँले बताउनु भयो।
यस्तै कोहलपुर नगरपालिका वडा नम्बर १२ का का.व.अध्यक्ष नैन बहादुर शाहीले वडाबासीहरुको सेवा अझै सहज र सरल रुपमा दिने विश्वास व्यक्त गर्नुभयो । ‘स्थानीय निर्वाचनभएपछि अहिलेसम्म आफ्नै भवनबाट सेवा दिन पाएका थिएनौं तर आजबाट आफ्नै भवनबाट सेवा दिन पाउँदा निकै खुसी भएको उहाँले बताउनु भयो ।कोहलपुर वडा नम्बर १२ को बजेट डुडुवा खोलामा बाध, पुल र तडबन्ध जस्ता काममा खर्च भएको हुँदा सोचेजस्तो विकास हुन सकेको छैन ।’ तर कोहलपुर नगरपालिकाको ११ र १२ जोडने पक्की पुल निर्माण भएकोले बर्षाको समयमा निकै सहज भएको का.व. अध्यक्ष शाहीले बताउनुभयो ।
यस्तै कोहलपुर नगरपालिका प्रमुख प्रशासकिय अधिकृत टिकाराम ढकालले विभिन्न राजनितिक दलहरुले बनाएका निति नियमहरुलाई कार्यान्वयन गर्ने विषयमा जोड दिनुभयो। उद्घाटन कार्यक्रममा वडा नम्बर १२ का विभिन्न राजनितिक आस्था बोकेका व्यक्ती, शिक्षक , पत्रकार व्यापारी र जेष्ठ नागरिकहरुको बाक्लो उपस्थिती रहेको थियो।
Discussion about this post