वसिम अन्सारी
बाँके चैत २ गते ।
नेपालगन्जबाट आज ठूलो परिमाणमा भन्सार छलिको अवैध सामान बरामद गरिएको छ । जिल्ला प्रहरी कार्यालयबाट प्रहरी सहायक निरीक्षक विवेक अधिकारीको कमाण्डमा खटिएको प्रहरीको टोलीले नेपालगन्ज उपमहानगरपालिका–१० ट्राफिक चोकबाट तीन लाखबढीको भन्सार छलिको सामान बरामद गरेको बाँकेका एसपी श्यामकृष्ण अधिकारीले जानकारी दिनुभयो ।
एक लाख ३० हजार मूल्य बराबरको हार्डवयर सामान, ७० हजार मूल्यको कस्मेटिक सामान, ३ लाख मूल्यको ४६० पीस सुट, २० हजार मूल्यको तीन क्विन्टल चिनी, १० हजार मूल्यको दुई कार्टुन जुत्ता र ३० हजार मूल्य बराबरको माक्स बरामद गरिएको एसपी अधिकारीले बताउनुभयो ।
प्रहरीलाई देख्नासाथ तस्कर समूह फरार भएको प्रहरीको भनाइ छ । तीन लाख ४४ हजार ९ सय मूल्य बराबरको सो चोरीपैठारीको सामानबारे थप अनुसन्धान भइरहेको पनि प्रहरीले जनाएको छ ।
ADVERTISEMENT
Discussion about this post