बाँके चैत ४ गते ।
बाँकेको जानकी गाउँपालिका २ का वडाअध्यक्ष चन्द्रीका प्रसाद गुप्ताले अनाहकमा स्थानीय महिलालाई कुटपिट गरेका छन्। यसअघि पनि विवादमा आइरहने वडाअध्यक्ष गुप्ताले स्थानीय हिमलता थापा र उहाँका छोरालाई घरमै पुगेर कुटपिट गरेका हुन् ।
वडाअध्यक्ष गुप्तासँगै उहाँका भाइ सन्तराम गुप्ता, सन्तोषी गुप्ता र नन्कु गुप्ताले हिमलता थापा उहाँका छोरालाई लाठी र मुक्काले प्रहार गरेको पीडितले बताएका छन् ।
होली पर्वमा थापाका छोराले वडाअध्यक्ष गुप्तालाई रंग लगाउने प्रयास गरेका थिए । त्यसपछि आक्रोसित बनेका वडाअध्यक्ष गुप्ताले आफ्ना भाइहरुलाई बोलाएर घरमै कुटपिट गरेको पीडितले बताए ।
वडाअध्यक्ष र उनका भाइहरुको कुटाइबाट घाइते थापा आमा छोराको भेरी अस्पतालमा उपचार भइरहेको छ । बेलभार प्रहरीले घटनाबारे अनुसन्धान भइरहेको बताएको छ ।
कुटपीट पछि आमा छोरा न्याय माग्दै बेलभार प्रहरीमा जानुभएको थियो । त्यहाँको प्रहरीले जिल्ला प्रहरी कार्यालयमा पठाएको पीडित थापाले बताउनुभयो ।
Discussion about this post