बाँके चैत ७ गते ।
स्थानीय तहको चुनावलाई लक्षित गरेर नेपा प्रहरीले म्यादी प्रहरीमा भर्ना खुलाएसँगै जिल्ला प्रहरी कार्यालयमा फर्म भर्नेहरुको घुइचो लागेको छ ।
चैत ११ गतेसम्म फर्म भर्ने म्याद छ । म्यादी प्रहरी बन्नका लागि जिल्ला प्रहरी कार्यालय बाँकेमा फम भर्नेको तछाडमछाड नै देखिएको छ । अल्कालिन रोजगारीका लागि युवाहरुको आकर्षण रहर कि बाध्यता ? यसलाई उनीहरु बाध्यता भन्छन् । जिल्ला प्रहरी कार्यालय बाँकेमा म्यादी प्रहरीको फाराम भर्नेको लामो लाइन लागेको हो।
बाँके प्रहरी प्रवक्ता डीएसपी मधुसुदन न्यौपानेका अनुसार बाँकेमा एक हजार ६८८ जना म्यादी प्रहरी भर्ना गरिँदैछ। चैत्र ६ देखि ११ गतेसम्म फाराम भर्ने अवधि राखिएको छ। पहिलो दिन आइतबार नै एक हजार जनाले फाराम लगेका छन्। त्यसमा सात सय जनाको फाराम दर्ता भएको छ।
भीडभाड बढी भएकाले सबैको दर्ता गर्न नसकिएको बाँके प्रहरीले जनाएको छ। उनीहरुको सोमबार दर्ता हुने प्रहरीले बताएको छ। जिप्रकामा फाराम भर्नेको लाइन बाहिरसम्म देख्न सकिन्छ। बेरोजगारीको समस्याले गर्दा म्यादी प्रहरी हुनेको भीड लागेको छ। जिप्रकामा फाराम लिने र दर्ता गर्नेको तँछाडमछाड नै देखिन्छ।
१८ वर्ष पूरा भइ ५४ वर्ष ननाघेका व्यक्तिले चैत ११ गतेसम्म आवेदन दिन सक्ने बाँकेका एसपी श्यामकृष्ण अधिकारीले जानकारी दिनुभयो । फौजदारी अभियोग नलागेको, कुनै राजनीतिक दलको सदस्य नभएको, शारीरिक र मानसिकरुपले तन्दुरुस्त नेपाली नागरिकले आवेदन दिन सक्ने छन् ।
नेपाली सेना, नेपाल प्रहरी र सशस्त्र प्रहरी बलका पूर्वसुरक्षाकर्मी, नेपाल बाहिरका सुरक्षा निकायमा काम गरेका र यसअघिका चुनावमा म्यादी प्रहरी बनेकालाई प्राथमिकता दिइने उहाँको भनाइ छ। ११ चैतसम्म आवेदन दिनेहरुले आवदेन दिएकै ठाउँमा १३ गते सम्पर्क गर्नु पर्ने छ ।
१५ गतेदेखि शारीरिक परीक्षण गरेपछि २२ चैतमा अन्तिम नामावली प्रकाशित हुनेछ । उनीहरुलाई २८ चैतदेखि तालिम दिएर चुनावका लागि ४० दिन काम लगाइने छ । म्यादी प्रहरीका लागि प्रहरी जवानको तलब खाद्यान्न, पोशाक र अन्य सामग्री खरीदका लागि भनेर ४० दिनको ४४ हजार चार सय ४४ रुपैयाँ पाउने छन् । उनीहरुको बीमालगायतका अन्य सुविधा पनि हुने छ ।
Discussion about this post