बाँके बैशाख २६ गते ।
नेपालगन्ज उपमहानगरपालिकामा नेपाली काँग्रसका तर्फबाट वडअध्यक्ष पदका उम्मेदवार निजामुद्दिन सिद्दिकीले आफु निर्वाचित भए सरकारी सेवा सुविधा नलिने घोषणा गरेका छन् ।
उनले वडा कार्यालयबाट प्राप्त् हुने सेवा सुविधा सबै जनताको हितमा खर्चिने बताए । उनले गएको स्थानीय तहको निर्वाचनमा विजयी भएका जनप्रतिनिधिले वडाको विकासको लागि कुनैपनि काम नभएको भन्दै आफु चुनावी प्रतिस्पर्धामा उत्रिएका छन्।
वडाको विकासका लागि जनताको माग र आवश्यकताका आधारमा उनले आफु चुनावमा लडेको बताए । घासबन्डीलाई व्यवस्थित गर्ने, वडा कार्यालय स्थापना गर्ने, शिक्षा, स्वास्थ्यलगायतका सवालमा आफुले प्रभावकारी ढंगबाट अगाडी बढाउने प्रतिबद्धतासहित आफु चुनावी प्रतिस्पर्धामा उत्रिएको बताए ।
उनले ११ सम्म निःशुल्क शिक्षा, फ्रि उपचार फ्रि सेवा, महेन्द्र पार्कको व्यवस्थापन, रानितलाउलगायतका बिषयलाई चुनावी एजेण्डा बनाइएको बताए । उनले जनताले विजयी बनाए पाँच वर्ष जनताको सेवक बनेर खटिने पनि बताए ।
निजामुद्दिन सिद्दिकी (मुन्ना) महिला सदस्य कि उम्मेदवार गुलनाज कुरेसी, दलित महिला सदस्य प्रमिना बालमिकी, सदस्य अनिल लखेर, सचिन खाँ (भुट्टु) चुनावी मैदानमा उत्रिएका छन् ।
भिडियो हेर्नुस् ।
Discussion about this post