बाँके बैशाख २७ गते ।
नेपाली काँग्रेसका तर्फबाट नेपालगन्ज उपमहानगरपालिका ८ का वडाअध्इक्ष पदका उम्मेदवार निजामुद्दीन सिद्दिकी (मुन्नां)ले आफ्नो उम्मेदवारी पूर्ण जिम्मेवारी र जवाफदेहितासहित, भ्रष्टाचाररहित गुणस्तरीय सेवा प्रवाह गर्नका लागि रहेको बताएका छन् ।
बलिदो समयसँगै मानिसको आवश्यकता, विकासको स्वरूप पनि फेरिदै गएको बताउँदै उनले नगरको पुरानो बजार मानिएको वडा नं। १० र ११ गाँसिएर परिवर्तित वडा नं. ८ नेपालगन्जको मौलिक परम्परा, संस्कृतिलाई परिचय दिने वडा रहेकाले यसको सम्मुचित विकास गर्नु आफ्नो दायित्व र जिम्मेवारी रहेको बताए ।
उनले आफ्नो संकल्पपत्रमा प्रत्येक तीन महिनामा एक पटक विशेषज्ञ डाक्टरहरूको संलग्नतामा निःशुल्क स्वास्थ्य शिविर सञ्चालन गरिने उल्लेख गरेका छन् ।
यस्तै पछाडी पारिएका, सिमान्तकृत, अतिविपन्न वर्गरसमुदाय र परिवारका चेलीरछोरीलाई शिक्षा आर्जन प्रोत्साहनस्वरूप विशेष प्याकेज । ज्येष्ठ नागरिकको छुट्टै लगत खडा गरि सामाजिक सुरक्षा भत्ताको सहज वितरण तथा घरदैलोमा स्वास्थ्य सेवा प्रवाह गरिने उनको प्रतिबद्धता छ ।
वडामा बसोबास गर्दैरहेका घसियारा (केवट) समुदायको जीवनस्तर उकास्न वैकल्पिक रोजगारतर्फ प्रोत्साहन गर्न रूची अनुसारको सीप तालिम निःशुल्क दिने व्यवस्था मिलाइने पनि उनको भनाइ छ ।
वडाका अतिविपन्न वर्ग, सीमान्तकृत, अल्पसंख्यक समुदाय तथा परिवारका महिलाहरूलाई स्वरोजगारतर्फ उन्मुख गराउन उपयुक्त कार्यक्रम सञ्चालन गरिने, घरेलु कामकाजी महिलाहरूका लागि आत्मनिर्भर बनाउन सीपमूलक व्यावसायिक तालिम सञ्चालन गरिने, वडाका युवाहरूलाई रचनात्मक गतिविधितर्फ आकर्षित गर्न उत्प्रेरणामूलक प्रशिक्षण कार्यक्रम आयोजना गरिने पनि प्रतिबद्धतापत्रमा उल्लेख छ ।
यस्तै वडाको प्रतिनिधित्व गर्दै राष्ट्रिय अन्तर्राष्ट्रिय स्तरमा स्थान बनाउन सफल भएकालाई प्रोत्साहनस्वरूप नगद राशिसहित सम्मान गरिने, वडास्थित ऐतिहासिक रानीतलाउको संरक्षण गर्दै यसको ऐतिहासिक पक्ष उजागर गर्ने शिलापत्र स्थापना, पोखरीको पूर्ण सरसफाईसहित रमणीय स्थलका रूपमा विकसित गर्दै बोटिङ्ग राञ्चालन ्र वडास्थित ऐतिहासिकर धार्मिकरसाँस्कृतिक धरोहरहरू, तालतलैया, बगैंचाहरूको संरक्षण, सम्वर्द्धनलाई पनि जोड दिइएको छ ।
Discussion about this post