बाँके बैशाख २७ गते ।
जनता समाजवादी पार्टी डुडुवा गाउँपालिकाले आफ्नो प्रतिबद्धता पत्र सार्वजनिक गरेको छ । डुडुवा गाउँपालिकाको अध्यक्षमा भण्डारीलाल यादव र उपाध्यक्ष पदमा तरन्नुम बानो चुनावी प्रतिस्पर्धामा उत्रनुभएको छ ।
प्रतिबद्धतापत्रमा डुडुवा गाउँपालिकाभित्रका फुसका छानालाई दुई वर्षमा विस्थापित गरी पाँच वर्ष भित्र जनताको आवासको लाभ गाउँपालिकाका सम्पूर्ण अतिविपन्न परिवारले लिने उल्लेख छ ।
गाउँपालिकाभित्र शौचालय नभएका घरपरिवारको एकिन गरी १० हजार रुपैयाँ उपलब्ध गराउने कुरा प्रतिबद्धता पत्रमा उल्लेख छ ।
डुडुवालाई कृषिमा आत्मनिर्भर बनाउनको निमित्त प्रत्येक वडालाई कृषि पकेट क्षेत्र घोषणा गरी एक गाउँ एक उत्पादनको अवधारणालाई अवलम्बन गर्नको निमित्त किसानलाई आवश्यक पर्ने बीउ विजन, मलखाद्य, कृषि औजार र विषादीमा विशेष अनुदान दिने प्रतिबद्धतापत्रमा उल्लेख छ ।
अध्यक्ष पदका उम्मेदवार यादवले गाउँपालिका भित्र जीर्ण अवस्थामा रहेका सडकहरुको लगत संकलन गरी स्तरोन्ती मर्मत सम्भार गरिने उनले बताए । प्रत्येक गाउँ टोललाई जिल्ला सदरमुकामको पहुँचमा पुग्नेगरी सडक संजाल विस्तार गरिने बताए ।
चुनावी प्रतिबद्धतापत्र सार्वजनिक कार्यक्रमलाई सम्वोधन गर्दै पूर्वमन्त्री मोहम्मद इस्तियाक राईले डुडुवा गाउँपालिकाका हालका जनप्रतिनिधिले कुनै पनि काम गर्न नसकेको बताए ।
उनले भने–‘गाउँपालिका अध्यक्षले गाउँपालिकाको विकासका लागि कुनै काम गर्न सकेनन् उनी झुट बाहेक अरु बोल्न जान्दैनन् ।’ उनले सडक पूर्वाधार विकास आफ्नै पहलमा भएको दावी गरेका छन् ।
सडक निर्माणमा गाउँपालिकाले कुनैपनि काम नगरेको भन्दै अध्यक्ष पदका उम्मेदवार नरेन्द्र चौधरीले आफैले गरे भन्नु गलत र झुट भएको बताए । राईले भण्डारीलाल यादवलाई दुई कारणले जिताउनु पर्ने बताए ।
उनले भने पहिलो कारण विकास र सम्बृद्धिका लागि र दोस्रो कारण अधिकारका लागि । उनले आफु सहरी विकास मन्त्री हुँदा विकास निर्माणका थुपै्रै काम गरेको उल्लेख गरेका थिए ।
Discussion about this post