बाँके बैशाख २७ गते ।
कमरुद्धिन राई नेपालगन्ज उपमहानगरपालिकाका उपमेयरका एक सशक्त उम्मेदवार हुन् । नेपालगन्जबासीको हरेक सुख, दुखमा साथ दिँदै आएका उनी राजनीति मार्फत अझ धेरै सेवामा समर्पित हुन चाहेका छन् ।
उनको मन कोमल छ । दुखलाई नजिकबाट चिनेका उनीमा गरिव, दुखी, असहायको पीडा बुझ्ने र उनीहरुको पीडामा मल्हम लगाउने बानी छ ।
कमरुद्धिन राई कोरोना महामारीका बेला नेपालगन्जबासीको सेवामा खटिए । कोरोनाले त्राहीत्राही भएका नेपालगन्जबासीलाई सान्त्वना दिए । साथ दिएर उनीहरुको आत्मबल बढाए । मजदुरी नपाएर खान नपाएका गरिव, दुखीलाई खाद्यन्न वितरण गरेर राहत दिलाए । औषधि अभावमा छटपटाइरहेका विरामीलाई अस्पताल पुर्याउने र औषधिको ब्यवस्था मिलाए । उनले फाइदाका लागि नभई मानविय धर्म निभाए । ‘मैले फाइदाको राजनीति गर्दैन ।
कोरोना कहरका बेला छटपटाइरहेका गरिव, दुखीको नाजुक अवस्था देखेर मन थाम्न नसकेर राहत वितरण तथा औषधि उपचारको ब्यवस्था मिलाएँ,’ उनले भने ।
उनी नेपालगन्जलाई सुन्दर र शिक्षित बनाउने अभियानमा छन् । नारी शिक्षालाई प्राथमिकता दिने योजनाका साथ उनी अगाडी बढेका छन् । गरिवीका कारण शिक्षा आर्जन गर्न नसकेका बालबालिकालाई आर्थिक सहयोग गरि उच्च शिक्षा आर्जन गर्ने अवसर दिने उनको योजना छ । ‘एक वडा एक नमुना विद्यालय संचालन गर्ने मेरो योजना छ,’ उनले भने ।
उनले आर्थिक अभावमा विवाह गर्न नसक्ने अवस्थाका परिवारलाई आर्थिक सहयोग गर्ने योजना पनि अगाडी सारेका छन् । शिक्षाको क्षेत्रमा उपमहानगरपालिकाको साझेदारीमा विभिन्न प्राविधिक कार्यक्रमहरुको रहेको प्राविधिक शिक्षालय संचालन गरिने उनले प्रतिबद्धता जनाएका छन् ।
कृषि क्षेत्रको विकासका लागि पनि उनले महत्वपूर्ण योजना अघि सारेका छन् । उनले उपमहानगरका वडालाई कृषि पकेट क्षेत्रको रुपमा वर्गिकरण गरिने बताए । भारतीय तरकारी विस्थापनका लागि किसानलाई अर्गानिक तरकारी उत्पादनमा प्रोत्साहन गरिने उनले बताए ।
उनले बेरोजगार समस्या समाधानका लागि युवालाई विभिन्न किसिमका रोजगारमुलक तालिम दिने र महिला लक्षित लघुउद्यम संचालन गरिने बताए । ‘म मतदाताको भावनाको कदर गर्छु ।
मतदाताको आवश्यकता तथा मागलाई मध्यनजर गरि योजना निर्माण गर्ने छु । हरेक योजनामा स्थानीयलाई सहभागी गराउने छु,’ उनले भने ।
Discussion about this post