भिम पौडेल बाँके असोज १८ गते ।
देशकै दाश्रो नमूनाको रुपमा रहेको नेपालगन्ज बसपार्क प्रदेश नम्बर ५ का मुख्यमन्त्री शंकर पोखरेलले उद्घाटन गरेका छन् । उद्घाटन समारोहलाई सम्बोधन गर्दै मुख्यमन्त्री पोखरेलले नेपालगञ्जमा निर्माण गरिएको आधुनिक बसपार्कले नेपालगन्जको बिकासमा महत्वपूर्ण योगदान पु¥याउने बताए । उनले नेपालगन्ज उपमहानगरपालिकाले बिकास निर्माणका आयोजनाहरुलाई तिब्र गतिमा अगाडि बढाएर जनताको बिकासको चाहानालाई पुरा गर्ने प्रयास गरेको बताए छन् ।
१६ करोड १६ लाखको लागतमा ४ बिघा १० कठठा क्षेत्रफलमा निर्माण गरिएको बसपार्कमा गाडी पार्किङ, यात्रु बिश्राम कक्ष, स्तनपान कक्ष, प्राथमिक उपचार कक्ष, पोष्टल रुम, प्रहरी सहायता कक्ष, कन्ट्रोल रुम, कार्यालय कक्ष, टिकट काउन्टर, शौचालय लगायतका सुबिधाहरु उपलब्ध छन । आधुनिक बसपार्कमा बिभिन्न यातायात ब्यबसायीहरुको १६ओटा काउण्टर सञ्चालनमा छन । उप महानगरपालिकाले आजै देखि ७ वटा नगरबस पनि संचालनमा ल्याएको छ । प्रदेश सरकारबाट उपलब्ध भएको करिब ५ करोडको लागतमा नगरबस संचालनमा ल्याइएको हो । बसपार्क सुचारु नहुदा गाडीहरु सडकको किनारामा पार्किङ गर्ने बाध्यता र यात्रुहरुले समेत सास्ती खेप्दै आएका थिए । नयाँ बसपार्कको निर्माण संगै नेपालगन्जको सार्बजनिक यातातायातका क्षेत्र थप ब्यबस्थित र सहज बन्ने ब्यबसायीहरुले बताएका छन । नेपालगन्जबाट देशका बिभिन्न स्थानहरुका लागि चल्ने सबै बसहरूलाई बसपार्कबाटै सचालन गरी यात्रुहरुलाई बसपार्कबाटै चड्ने र झर्ने व्यवस्था गरिएको छ । बसपार्कलाई सफा, ब्यबस्थित र सुरक्षित तरिकाले संचालनका लागि नेपालगन्ज उप महानगरपालिकाले छिटटै निजी कम्पनीलाई ठेक्कामा दिने उपमहानगरपालिकाका प्रमुख डा धबल शम्सेर राणाले बताए । उप महानगरपालिकाका उपप्रमुख उमा थापाले बसपार्क निर्माण पछि नेपालगन्जको सार्बजनिक यातायात सेवा ब्यबस्थित हुने बताईन् । नेपालगन्जबाट लामो दुरीका लागि दैनिक २ सय ८५ र छोटो दुरीमा करिब २ सय गाडी छुट्छने गरेका छन् । नेपालगन्जबाट चाडपर्बका बेला करिब १० हजार यात्रु ओहोर दोहोर गर्ने यातायात ब्यबसायीहरुले बताएका छन् ।
Discussion about this post