बाँके असोज १२ गते ।
सल्यानमा आज एका विहानै भएको जिप दुर्घटनामा एक जना नाबालकसहित ८ जनाको मृत्यु भएको छ ।
दुर्घटनामा अर्का एक जना गम्भीर घाइते भएका छन् । सल्यान कपुरकोट ३ गाउँपालिका तीन मुलपानीमा भएको जीप दुर्घटनामा १ जना महिला र ७ जना पुरुष गरी ८ जनाको घटना स्थलमै मृत्यु भएको प्रहरीले जनाएको छ । त्यसमा एकजना ११ वर्षका बालक पनि परेका छन् ।
मृत्यु हुनेहरुमा जीप चालक सल्यान कपुरकोट नगरपालिका ६ जलबाँङका २१ वर्षीय जितबहादुर बोहरा, सोही ठाउँ बस्ने ३७ वर्षीय धर्मा ओली, ४० वर्षीय टोपबहादुर ओली, उहाँका ११ बर्षीय छोरा बसन्त वली रहेको सल्यान प्रहरीका डिएसपी दामोदर कसीले जानकारी दिनुभयो ।
यस्तै दुर्घटनामा ३० वर्षीय सुुरेश खत्री, ७० वर्षीय खुमलाल ओली, ५५ वर्षीया कुमारी ओली, ३५ वर्षीय ललित ओलीको पनि मृत्यु भएको छ । दुर्घटनामा गम्भीर घाइते ३५ वर्षीय तिलक ओलीलाई थप उपचारका लागि प्रादेशिक अस्पताल तुलसीपुर ल्याइएको प्रहरीले जनाएको छ ।
प्रहरीका अनुसार उक्त जीपमा कुल ९ जना सवार थिए। बाँकेको ढकेरीमा एकजना आफन्तको बिहे भोज खाएर उनीहरु गएराती सल्यानस्थित घर फर्कदै थिए। रा १ ज ५६३ नम्वरको डबल क्याप जीप बुकिङ गरि घर फर्कदै गरेका उनीहरु अधिकांश आफ्नै नालनाता पर्ने परिवार भएको प्रहरीले जनाएको छ ।
दुर्घटना रातीको समयमा हुँदा प्रहरीले समयमै थाहा नपाएर उद्धार र उपचारमा समस्या भइ मृतकको संख्या बढेको हुन सक्ने स्थानीयको भनाइ छ । जीप अनियन्त्रित भएर सडकबाट करिव १५० मिटर तल खोचमा खसेको प्रहरीको भनाइ छ ।
Discussion about this post