महोत्तरी असोज ११ गते ।
जिल्लाको सोनमा गाउँपालिका–५ खयरबनी चोकबाट कटुवा पेस्तोलसहित एकजना भारतीय नागरिकलाई प्रहरीले पक्राउ गरेको छ । भारतको बिहारस्थित सितामढी जयनगर ग्रामपंचायत–११ बस्ने २४ वर्षीय बलबिन्द्र महतोलाई बुधबार बेलुकी प्रहरीले कटुवा पेस्तोलसहित पक्राउ गरेको हो ।
पक्राउ परेका महतोको साथबाट पेस्तोलसहित १ राउण्ड गोली, २ थान किला उक्काउने रड , १ थान पेचकस र एउटा मोटरसाइकल बरामद गरिएको प्रहरीले जनाएको छ ।
इलाका प्रहरी कार्यालय खैयरबनीबाट खटिएको गस्ती टोलीले भारतबाट नेपालतर्फ आउँदै गरेको बिआर ३० के ३४५९ नम्बरको मोटरसाइकललाई चेकजाँच गर्ने क्रममा महतोलाई पक्राउ गरिएको हो ।
साथै बिआर ५५ ए २७२५ नम्बरको अर्का मोटरसाइकल चालक भने फरार रहेको प्रहरीको भनाइ छ । घटनाका सम्बन्धमा आवश्यक अनुसन्धान भइरहेको प्रहरीले जनाएको छ ।
ADVERTISEMENT
Discussion about this post