बाँके पुस १४ गते ।
बाँके निकुञ्जको सुरक्षामा तैनाथ नेपाली सेनाको अर्जुनबाण गणले असाहय बाल संरक्षण केन्द्रलाई खाद्यान्न सहयोग गरेको छ । गणले चामल, दाल, तेल, चिनी, अण्डा, विष्कुट लगायत सहयोग गरेको हो ।
गणका प्रमुख सेनानी अशोक खड्काले केन्द्रका अध्यक्ष तारा वलीलाई उक्त सहयोग हस्तान्तरण गरेका हुन् । चामल २५ केजीका चार बोरा, १५ किलो दाल, एक पेटी तेल, १५ किलो चिनी, १ कार्टुन अण्डा र चार पेटी विस्कुट गणबाट प्राप्त भएको अध्यक्ष वलीले बताइन् । उक्त केन्द्रमा अहिले १३ जना असहायक बालबालिका आश्रित छन् ।
असाहय बालबालिकाहरुलाई गणले शम्शेरगन्जमै बोलाएर वन्यजन्तुको पहिचान, वन्यजन्तुको जोखिम, र जोखिम न्यूनीकरणका सवालमा अपनाउनु पर्ने सावधानीका बारेमा प्रशिक्षण समेत दिएको थियो । गणका उपसेनानी अम्विका थापाले उक्त प्रशिक्षण दिएको वलीले जानकारी दिइन् ।
ADVERTISEMENT
Discussion about this post