जिवनज्योति स्कुलको अभिभावक दिवस : शैक्षिक दायित्वदेखि सामाजिक दायित्व बहन गरेको प्रमुख अतिथि पौडेलको भनाई

सरला सुवेदी
बाँके पुस १४ गते ।
कोहलपुर नगरपालिका वडा नम्बर दशमा रहेको जिवनज्योति स्कुलले आज कक्षा एल केजि र युकेजिमा अध्ययनरत विद्यार्थी सहित अभिभावक भेला धुमधामले सम्पन्न गरेको छ।

कार्यक्रमका प्रमुख अतिथि कोहलपुर उधोग बाणिज्य संघका अध्यक्ष लक्ष्मणराज पौडेलले आजका बालबालिका भोलिका यो देशका कर्णधार हुन् । साच्चै भन्ने हो भने बालबालिका काचो माटो हुन जस्तो आकार दियो त्यस्तै आकार बनाउन सकिन्छ त्यसैले बालबालिकालाई राम्रो शिक्षा सङ्गै अतिरिक्त क्रियाकलापमा नि सहभागि गराउनु पर्ने बताउनु भयो।

आफ्नो बच्चाको प्रस्तुति हेर्न अभिभावकले स्कुलको नियम पालना गरि समयमै आएको हुँदा अभिभावकत्व बहन गरेको बताउनु भयो। स्कुल स्थापनाको एक दशकमै कोहलपुर क्षेत्रमा राम्रो पहिचान गराउन सफल भएको जिवनज्योति स्कुल शैक्षिक गुणस्तर , अतिरिक्त क्रियाकलापमा मात्र नभएर बिपद व्यवस्थापनमा समेत सधै अग्रस्थानमा रहने गरेको बताउनु भयो। उहाँले जिवनज्योति स्कुल नाफामुखि नभएर सेवामुखि भएको बताउदै कोहलपुरका अरु स्कुलले पनि जिवनज्योति स्कुलको सिको गर्न सके राम्रो हुने बताउनु भएको छ। उहाँले कोभिड कहरम फुड बैंक र भुकम्प जादा राहत बितरण गर्दै शैक्षिक दायित्वसङ्गै सामाजिक दायित्व बहन जिवनज्योति स्कुलले गरेको बताउनु भएको छ।

यस्तै कार्यक्रममा अभिभावक समितिका अध्यक्ष फुलाराम चौधरीले स्थापना कालदेखि अहिलेसम्म बिभिन्न चुनौति र बाधालाई चिर्दै बालबालिकाहरुको शैक्षिक गतिबिधि र अतिरिक्त गतिविधिलाइ सङ्गसङ्गै लिएर बढाएको जिवनज्योति स्कुलले अबको केहि बर्षमा क्याम्ब्रीज युनिभर्सिटीको कोर्ष संचालनमा ल्याउन लागेको बताउनु भयो । जसको लागि स्कुलका प्रिन्सिपल फादर जोमन जेम्स निरन्तर लागिरहेको हुँदा सम्पुर्ण अभिभावकको तर्फबाट धन्यवाद ज्ञापन गर्नुभएको छ।

कार्यक्रमा जिवनज्योति स्कुलका प्रिन्सिपल फादर जोमन जेम्सले यो स्कुललाई यति छोटो समयमा स्थापित गराउन सम्पुर्ण अभिभावक अनि विद्यालय परिवारको ठुलो हात र साथ भएको बताउनु भएको छ। उहाँले शैक्षिक गतिबिधि सङ्गै बालबालिकाको लागि अतिरिक्त क्रियाकलाप पनि जरुरि रहेको हुँदा सबै बालबालिका लाई उनिहरुको क्षमता अनुसार स्थान दिएको बताउनु भयो।

यस्तै कार्यक्रममै उपस्तिथि अभिभावकहरुपनि स्कुलले आफ्ना छोराछोरीलाई आफ्नो सस्कृति रितिरिवाज र परम्परा झल्काउने गितहरुमा नाच्न लगाउने गरेकोमा खुसि व्यक्त गरेका छन् अभिभावकले छोराछोरीको शैक्षिक गतिविधिबाट आजसम्म सन्तुष्टि नै मिलेको बताएका छन् । कार्यक्रममा बालबालिकाको लागि मात्र नभएर अभिभावकहरुको लागि पनि बिभिन्न खाले छुट्टाछुट्टै रमाइलो खेलको आयोजना गरिएको थियो र पहिलो दोस्रो र तेस्रो हुनेलाई पुरस्कारको समेत व्यवस्था गरिएको थियो।

ADVERTISEMENT