बाँके पुस २० गते ।
राप्तीसोनारी गाउँपालिका वडा नं.१ सिक्टामा एक सय पन्ध्र मिटर नालासहितको कालोपत्रे सडक निर्माण पूरा भएको छ । आर्थिक वर्ष २०७९÷०८० मा सम्झौता भएको पूर्वपश्चिम राजमार्गदेखि सिक्टा गाउँ जोड्ने उक्त सडक करिव २० लाख लागतमा निर्माण सम्पन्न भएको राप्तीसोनारी गाउँपालिकाका टेक्निसिय दुर्गा केसीले जानकारी दिए ।
उनका अनुसार उक्त बाटो नेपालगन्जस्थित सिएल कन्स्ट्रक्शनले निर्माणको जिम्मा पाएको थियो । सडक निर्माणपछि राप्तीसोनारी गाउँपालिकाका उपाध्यक्ष मनिषासिंह थारुको अगुवाईमा विहीबार अनुगमन गरिएको छ । उक्त बाटो मापदण्ड अनुसार निर्माण कम्पनीले निर्माण पूरा गरेको पाइएको उपाध्यक्ष थारुले बताइन् ।
उनका अनुसार विकास निर्माणका कामहरु गुणस्तरीय र प्रभावकारी गराउनका निमित्त अनुगमन कार्यलाई सघनरुपमा अगाडि बढाइएको छ । कोर कटिङ मेसिनको सहायतबाट पिचको थिग्नेश जाँच गरिएको छ । थिग्नेस जाँच गर्दा मापदण्डअनसार नै पाइएको उनले बताइन् ।
राप्तीसोनारी गाउँपालिकाले पछिल्लो सयम पूर्वाधार निर्माणका कामलाई गुणस्तरीय बनाउन प्रविधिको उपयोग गरेर चेकजाँच गर्ने गरेको उनको भनाइ छ । आर्थिक वर्ष २०७९÷०८० बाट कोर कटिङ मेसिनको सहायतबाट बाटोको गुणस्तर जाँच्ने काम भइरहेको छ । यसअघि थिग्नेस आँखाले हेर्ने र पास गर्ने गरिन्थ्यो । जसका कारण त्यसको गुणस्तर ठम्याउन मुश्किल पर्ने गरेको थियो ।
यहाँसम्मकी ल्याव रिपोर्ट समेत अन्त्यै योजनाको राखेर योजना पास गराउने र भुक्तानी लिने चलन थियो । अहिले त्यसमा पालिकाले कडाइ गरेको छ ।
Discussion about this post