बाँके चैत १२ गते ।
होली मनाउने क्रममा जथाभावी रङ दल्ने तथा नियम उलंघन गरी सवारी चलाउने र होहल्ला गरेको आरोपमा ५१ जना पक्राउ परेका छन । जिल्ला प्रहरी कार्यालय बाँकेका प्रहरी प्रवक्ता डिएसपी नारायण डाँगीका अनुसार पक्राउ पर्नेमा ५१ जना रहेका छन् ।
यस्तै ट्राफिक नियम उल्लंघन गरेको आरोपमा मोटरसाइकल र स्कुटी १०० वटा समातिएका छन् । उनीहरुलाई जरिवाना गरी सचेत बनाएर छाड्ने प्रक्रियामा रहेको उहाँको भनाइ छ ।
पक्राउ परेकालाई अवस्था हेरेर मात्र मुद्दा चलाइने उहाँको भनाइ छ । गत वर्षको तुलनामा यस वर्ष बाँकेमा होली शान्तिपूर्वक रुपमा सम्पन्न भएको डिएसपी डाँगीले बताउनुभयो ।
उहाँले भन्नुभयो, ‘गतवर्षको तुृलनामा यसवर्ष बाँकेमा होली शान्तिपूर्ण रुपमा सम्पन्न भएको छ । केही पक्राउ परे पनि अन्य अप्रीय घटना भने भएनन् ।’
बाँकेमा होलीलाई सुरक्षित बनाउने भन्दै सुरक्षा व्यवस्था कडा पारिएको थियो । बाँकेका बिभिन्न स्थानमा सुरक्षा चेकजाँच भएको थियो । ड्रोनबाट समेत निगरानी गरिएको थियो।
Discussion about this post