बाँके बैशाख २७ गते ।
बाँकेमा कृषि अनुदानका लागि जिल्लाका करिब नौ सय बढी किसानले आवेदन (प्रस्तावना) दर्ता गरेका छन् । कृषि ज्ञान केन्द्र नेपालगन्ज कार्यालयमा नौ सय बढी आवेदन दर्ता भएको ज्ञान केन्द्रले जनाएको छ ।
कृषि ज्ञान केन्द्र नेपालगन्जका सूचना अधिकारी कृषि अर्थ विज्ञ जीवनकुमार केसीले कार्यालयले आह्वान गरेको सूचनाका आधारमा कृषि अनुदान प्राप्तिका लागि जिल्लाभरका नौ सय बढी किसानले प्रस्तावना दर्ता गरेको जानकारी दिए । नौ सय बढी आवेदनमध्ये करिब एक सय ५० वटा किसानका फर्म तथा समूह, सहकारीलाई यस वर्ष कृषि अनुदानका छनौट गरिएको उनले बताए ।
“कार्यालयले सिचाइ प्रयोजनका लागि कृषि अनुदानको सूचना जारी ग¥यो, नौ सय बढी किसानका फर्म, समूह तथा कृषि सहकारीका आवेदन दर्ता भए, बजेट रकम सीमित थियो, एक करोड ५० लाख रुपियाँको रकमले कसरी सबैलाई पु¥याउने ?” सूचना अधिकारी केसीले भने, “मापदण्ड र कार्यविधिअनुसार छाँट्दै लग्यौँ, फिल्ड भेरिफिकेशन ग¥यौँ, अन्तमा करिब एक सय ५० वटा आवेदनलाई छनौट ग¥यौँ ।”
सिँचाइ कार्यक्रम अन्तर्गत यस वर्ष एक करोड ५० लाख रुपियाँ बजेट रहेको र छनौट भएका किसान, फर्म, समूह तथा सहकारीहरूलाई मापदण्डका आधारमा प्राथमिकता अनुसार ५० हजारदेखि एक लाख ५० हजार रुपियाँसम्मको सहयोग प्रदान गरिने सूचना अधिकारी केसीले जानकारी दिए ।
Discussion about this post