सल्यान कार्तिक १४ गते ।
सल्यान प्रहरीले बिभिन्न मुद्धामा फरार ३ जनालाई पक्राउ गरेको छ । बहुबिबाह, जातिय भेदभाव तथा छुवाछुत र प्राचिन स्मारक मुद्धामा गरेर ३ जनालाई पक्राउ गरेको जिल्ला प्रहरी कार्यालय सल्यानले जनाएको छ । प्रहरीका अनुसार छुट्टाछुट्टै मुद्धामा बागचौर नगरपालिकाबाट २ जना र दार्मा गाउपालिकाबाट १ जनालाई पक्राउ गरिएको छ ।
पक्राउ पर्नेमा बागचौर नगरपालिका ७ कुनौँटे निबासी ३८ बर्षिय टेक बहादुर रावत रहेका छन् । गत सोमबार दिउसोँ २ बजे ईलाका प्रहरी कार्यालय थारमारेबाट खटिएको प्रहरी टोलीले उनलाई घरबाट नै पक्राउ गरेको जिल्ला प्रहरी कार्यालय सल्यानले जनाएको छ । बुधबार सम्म सार्बजनिक बिदा भएकाले उनलाई आज बिहीबार आबश्यक कारबाहीका लागी जिल्ला अदालत सल्यानमा बुझाईएको छ । उनलाई जिल्ला अदालतले बहुबिबाह मुद्धामा १ बर्ष ५ महिना ११ दिनको कैँद सजाय तोकेको थियो ।
यस्तै जिल्लाको दार्मा गाउपालिका वडा नम्बर ३ बस्ने २० बर्षिय खिमा केसीलाई प्रहरीले कार्तिक ९ गते पक्राउ गरेको छ । जातिय भेदभाव तथा छुवाछुत मुद्धामा गत जेठ २३ गते देखी फरार उनलाई ईलाका प्रहरी कार्यालय दार्माबाट खटिएको प्रहरी टोलीले घरबाटै पक्राउ गरेको जिल्ला प्रहरी कार्यालय सल्यानले जनाएको छ । उनलाई पनि आबश्यक कारबाहीका लागी जिल्ला अदालत सल्यानमा पठाईएको छ ।
यस्तै जिल्लाको बागचौर नगरपालिका ८ बस्ने ४५ बर्षिय क्षेत्र बहादुर बिसीलाई प्रहरीले बुधबार पक्राउ गरेको छ । उनलाई अदालतले प्राचिन स्मारक मुद्धामा ७ हजार रुपैँया जरिवाना तोकेको थियो । उनलाई पनि आबश्यक कारबाहीका लागी जिल्ला अदालत सल्यानमा बुझाईएको जिल्ला प्रहरी कार्यालय सल्यानले जनाएको छ ।
Discussion about this post