दाङ जेठ २० गते ।
दाङको बङ्गलाचुली गाउँपालिकामा भएको मोटरसाइकल दुर्घटनामा एक जनाको मृत्यु भएको छ । आइतबार दिउँसो बङ्गलाचुली गाउँपालिका–४ को जुम्लेपानी–पुरुङछेडा सडकअन्तर्गत मौवालेकमा रा ३ प ५७९१ मोटरसाइकल दुर्घटना भएको हो ।
दुर्घटनामा मोटरसाइकलमा सवार बंगलाचुली गाउँपालिका–४ निवासी ३२ वर्षीय खेतुलाल नेपालीको मृत्यु भएको जिल्ला प्रहरी कार्यालय दाङका प्रहरी नायव उपरीक्षक जनकबहादुर मल्लले जानकारी दिनुभयो ।
नायव उपरीक्षक मल्लका अनुसार दुर्घटनामा गम्भीर घाइते नेपालीको घोराहीस्थित राप्ती स्वास्थ्य विज्ञान प्रतिष्ठानमा उपचारका क्रममा मृत्यु भएको थियो । मोटरसाइकल चालक बंगलाचुली गाउँपालिका–३ निवासी ३८ वर्षीय चेतप्रसाद डाँगीको घोराहस्थीत राप्ती स्वास्थ्य विज्ञान प्रतिष्ठान घोराहीमा प्रारम्भिक उपचारपछि थप उपचारका लागि भैरहवा रिफर गरिएको छ ।
साँगुरो र अप्ठेरो सडकमा मोटरसाइकल अनियन्त्रित भई दुर्घटना हुँदा मोटरसाइकल सडकबाट करिब ४ मिटर तल खसेको थियो ।
Discussion about this post