बाँके असार १९ गते ।
बाँके प्रहरीले ५ किलो अफिमसहित कोहलपुरबाट दुई जनालाई गरेको छ ।
इलाका प्रहरी कार्यालय कोहलपुरबाट खटिएको प्रहरी टोलीले कोहलपुर नगरपालिका-१४ हवल्दारपुरस्थित ह्याप्पि वोल्ड फनपार्क अगाडीबाट शंका लागी चेकजाँच गर्दा जाजरकोट शिवालय गाउँपालिका-७ भिउसका ५५ वर्षीय रामबहादुर शाही र बारेकोट गाउँपालिका-८ सेपुखोलाका ३५ वर्षीय पूर्णबहादुर बिकलाई अफिमसहित पक्राउ गरेको हो ।
बिकले बोकेको झोलामा ५ केजी ८६५ ग्राम अफिम फेला परेको बाँकेका प्रहरी प्रवक्ता डिएसपी नारायण डाँगीले जानकारी दिए । उनका अनुसार घटनास्थलबाट शाहीले प्रयोग गरेको कर्णाली प्रदेश ०२-००२ प ११८६ नम्बरको मोटरसाइकल समेत प्रहरीले बरामद गरेको छ ।
जिल्ला अदालत बाँकेबाट थप अनुसन्धानकालागि मंगलबार ५ दिन म्याद थप गरिएको प्रहरीले जनाएको छ।
ADVERTISEMENT
Discussion about this post