बाँके असार २८ गते ।
राप्तीसोनारी गाउँपालिकाले चालु आर्थिक वर्ष २०८०÷८१ मा पुँजीगततर्फ ७० प्रतिशत खर्च गरेको छ । राप्तीसोनारी गाउँपालिका प्रमुख प्रशासकीय अधिकृत दानबहादुर ऐडीका अनुसार चालु आर्थिक वर्षको कुल बजेटमध्ये १३ करोड ८९ लाख ४४ हजार २९२ रुपैयाँ खर्च भएको छ ।
असार २४ गतेसम्म ५२ करोड ९० लाख ४५ हजार ३२७ रुपैयाँ मात्रै खर्च भएको छ । सो खर्चमध्ये चालुतर्फ ८१।६४ प्रतिशत र पुँजीगततर्फ ७० प्रतिशत गरी जम्मा ७८।९ प्रतिशत खर्च भएको प्रमुख प्रशासकीय अधिकृत ऐडीले जानकारी दिए । स्थानीय तहहरूमा असार २४ गतेदेखि आर्थिक कारोबार बन्द भएको छ ।
राप्तीसोनारी गाउँपालिकाका अध्यक्ष तप्तबहादुर पौडेलले गाउँपालिका भत्र पुँजीगततर्फ शतप्रतिशत खर्च हुने अवस्था निर्माणका लागि प्रयास गरिरहेको भन्दै आगामी वर्ष सबैको साथ र सहयोगमा पुँजीगत खर्च शतप्रतिशत पु¥याउन सकिने बताए ।
प्रशासकीय प्रमुख ऐडीले यस आर्थिक वर्षको वार्षिक नीति तथा कार्यक्रम र बजेट कार्यान्वयनमा महत्वपूर्ण सहयोग गरेको भन्दै गाउँपालिकाका अध्यक्ष, उपाध्यक्ष, कार्यपालिका सदस्य, वडा अध्यक्षसहित सम्पूर्ण जनप्रतिनिधि र कर्मचारीप्रति आभार समेत प्रकट गरेका छन् ।
Discussion about this post