खोजखबर संवाददाता
दाङ असार १७ गते। ट्याक्टर दुर्घटनामा परी तुलसीपुरमा चालकको मृत्यु भएको छ ।
भने सहचालक घाइते भएका छन् । तुलसीपुर उपमहानगरपालिका – ५ बगरपुर निवासी २० वर्षीय दीपक नेपालीको मृत्यु भएको छ।
गम्भीर घाइते नेपालीको राप्ती प्रादेशिक अस्पताल तुलसीपुरमा उपचारको क्रममा मंगलबार बिहान २:१५ बजेतिर मृत्यु भएको ईलाका प्रहरी कार्यालय तुलसीपुरले जनाएको छ।उक्त दुर्घटनामा परी सहचालक तुलसीपुर ५ कै १६ वर्षीय अनिल नेपाली घाइते भएका छन्।
घाइते नेपालीको राप्ती प्रादेशिक अस्पताल तुलसीपुरमा उपचार भइरहेको प्रहरीले जानकारी दिएको छ।तुलसीपुर ८ टिकरी खोलामा ना ५ त ९०७९ नम्बरको ट्याक्टर मंगलबार बिहान १ बजेतिर दुर्घटनामा परेको प्रहरीले बताए ।
प्रहरीका अनुसार ट्याक्टर ढुंगा लोड गरेको अवस्थामा फेला परेको थिए ।
असार १ गतेदेखि खोलाहरूको ठेक्का सम्झौता सकिएको छ।त्यसैले उक्त ट्याक्टर खोलाजन्य वस्तुको अवैध तस्करीमा गएको समयमा दुर्घटनामा परेको प्रहरीले जनाए ।
Discussion about this post