बाँके मंसिर ६ गते ।
सुन्दर शान्त नेपाल परियोजना संस्थाले शुक्रबार एक औपचारिक कार्यक्रमको आयोजना गरि आफ्नो त्रैमासिक परिमाण तथा सीकाई बैठक सम्पन्न गरेको छ ।
बाँकेको नेपालगञ्जमा आयोजित बैठकमा संस्थाले हालसम्म गरेको सम्पुर्ण क्रियाकलापको बारेमा सरोकारवाला बिच वृहत छलफल आयोजना गरेको छ। संघियतालाई कार्यान्वयन गर्नका लागि र सिमान्कृत समुदायलाई हरेक क्षेत्रबाट अगाडी बढाउन विभिन्न क्रियाकलाप संचालन २०१७ सेप्टेम्वर देखी गर्दै आइरहेको छ । अगामी दिनमा संघियतालाई कसरी कार्यान्यन गर्ने विषयमा छलफल भएको छ ।
कार्यक्रममा बोल्दै नेपालगञ्ज उपमहानगरपालिका वडा नं.२ का अध्यक्ष सुनिल सिह हमाल ले सुन्दर शान्त नेपाल परियोजना संस्था संग आगामी दिनमा सहकार्यको माध्यमबाट आफ्नो वडामा नमूना कामको लागि आफु तयार रहेको बताए । सेफरवल्र्डको आर्थिक सहयोगमा संचालित उक्त सुन्दर शान्त नेपाल परियोजना बाँकेका राप्तीसोनारी गाँउपालिका र नेपालगञ्ज उपमहानगरपालिकामा आफ्ना क्रियाकलापहरु संचालन गर्दै आइरहेको छ ।
स्थानिय सरकार संग मिलेर सिमान्कृत समुदायका मागहरुलाई सिमान्कृत समुदायका पँहुज बढाउन निरन्तर अभिमुखीकरण तालिम, गोष्ठी र समुदायमा भएका समस्यालाई प्रत्येक्ष रुपमा समाधान गर्न सुन्दर शान्त परियोजना अगाडी बढेको छ ।
बैठकमा नेपालगञ्ज उपमहानगरपालिका वडा नं.२का अध्यक्ष सुनिल सिह हमाल वडा नं. १२ का अध्यक्ष बुद्धि सागर सुवेदी ,मानव अधिकार आयोगका प्रमुख चन्द्रकान्त चापागाई, पत्रकार,नागरिक सम्वाद समूहका पदाधिकारी, युनिक नेपालका पदाधिकारीहरुको सहभागीता रहेको थियो । अगामी दिनमा सुन्दर शान्त नेपाल परियोजनाले स्थानिय तह संग थप सहकार्य गरि प्रभावकारी काम स्थानिय तहमा संचालन गर्ने कार्यक्रम संयोजक जगत चौधरीले बताए ।
Discussion about this post