काठमाडौं वैशाख २४ गते ।
राष्ट्रिय मानव अधिकार आयोगकी पूर्वसदस्य मोहना अन्सारी नेपाली कांग्रेसमा आबद्ध भएकी छन् । उनले सामाजिक सञ्जालमार्फत आफू औपचारिक रूपमा राजनीतिक जीवनमा प्रवेश गरेको जानकारी दिएकी हुन् ।
अन्सारीले नेपाली कांग्रेसको ‘ल्याटरल इन्ट्री’ अवधारणाले युवाको आकाङ्क्षालाई सम्बोधन गर्दै पार्टी रूपान्तरण र आन्तरिक लोकतन्त्र सुदृढ गर्न सहयोग पुग्ने विश्वास व्यक्त गरेकी छन् ।
उनले सामाजिक सञ्जालमा लेखेकी छन्, “आजबाट विधिवत् रूपमा मैले राजनीतिक जीवनमा प्रवेश गरेको छु । नेपाली कांग्रेसको ल्याटरल इन्ट्रीले देशमा युवाको आकाङ्क्षालाई सम्बोधन गर्न, पार्टीमा रूपान्तरण र आन्तरिक लोकतन्त्रलाई बलियो बनाउँदै परिवर्तनको सन्देश दिने उद्देश्यका साथ अघि बढेको छ ।”
अन्सारीले प्रजातन्त्र, गणतन्त्र र समाजवादको बीजारोपण गर्ने पार्टीका रूपमा नेपाली कांग्रेसलाई उल्लेख गर्दै आफू आजबाट विधिवत् रूपमा पार्टीमा आबद्ध भएको जनाएकी छन् ।
जेनजी आन्दोलनपश्चात् बदलिएको कांग्रेस र ‘जरा अभियान’मार्फत सबैलाई जोड्ने सन्देशका साथ पार्टीको नीति, अनुसन्धान तथा प्रशिक्षण प्रतिष्ठानसँग सहकार्य गर्दै देश र पार्टी हितमा काम गर्ने प्रतिबद्धता समेत उनले व्यक्त गरेकी छन् ।
Discussion about this post