बाँके, जेठ २९ गते ।
नेपालगन्ज बजार क्षेत्रबाट प्रहरीले ब्राउन सुगरसहित दुई युवकलाई पक्राउ गरेको छ।
पक्राउ पर्नेमा नेपालगन्ज उपमहानगरपालिका–१ राना चोकका २७ वर्षीय बिनोद तामाङ र प्युठान नगरपालिका–२ निवासी २७ वर्षीय प्रेम आचार्य रहेका छन्। उक्त जानकारी जिल्ला प्रहरी कार्यालय बाँकेले दिएको हो।
प्रहरीका अनुसार बिहीबार साँझ राना चोक क्षेत्रमा उनीहरूको साथबाट २ ग्राम ५ सय मिलिग्राम ब्राउन सुगर बरामद गरिएको थियो।
लागूऔषध नियन्त्रण ब्यूरो शाखा कार्यालय नेपालगन्ज र अस्थायी प्रहरी बिट विशालनगरबाट खटिएको संयुक्त प्रहरी टोलीले शंकास्पद गतिविधिका आधारमा उनीहरूलाई जाँच गरेको थियो। सो क्रममा ब्राउन सुगर फेला परेपछि दुवै जनालाई नियन्त्रणमा लिइएको प्रहरीले जनाएको छ।
घटनाबारे थप अनुसन्धान भइरहेको जिल्ला प्रहरी कार्यालय बाँकेले जनाएको छ।
ADVERTISEMENT
Discussion about this post