बाँके मंसिर ८ गते । बाँकेको डुडुवा गाउँपालिका वडा नम्बर १ मा अवस्थित जनता आधारभुत विद्यालयका अति विपन्न बिद्यार्थीलाई नेपालगन्ज जुत्ता चप्पल ब्यवसायी संघले जुत्ता,चप्पल र म्याट सहयोग प्रदान गरेको छ ।
सूचना र मानव अधिकार अनुसन्धान केन्द्र बाँकेको पहलमा नेपालगन्ज जुत्ता चप्पल व्यवसायी संघले एक सय ३२ जोर कपडाको कालो जुत्ता र मोजाका साथै एक सय २० जोर चप्पल सहयोग गरेका छन् ।
संघले सदस्य एमपि पोखरेलको संयोजकत्वमा दुई सय ५२ जोर जुत्ताचप्पल संकलन गरेको थियो । त्यसैगरी शनिबार नै जीतपुर बाराको रारा चप्पल उद्योगले वीरगन्जका पत्रकार ओमप्रकाश खनालमार्फत एक सय ४४ जोर चप्पल विद्यालयमा पठाएको छ । जसमा झन्कार चप्पलबाट १४४ जोर चप्पल, म्याजिक चप्पलबाट १२० जोर र एप्पल शुबाट १३२ स्कुल जुत्ता र तारा सप्लार्यसबाट १४४ पीस मोजा गरि करिव १ लाख बराबरको सामग्री वितरण गरिएको नेपालगन्ज जुत्ता चप्पल ब्यवसायी संघका अध्यक्ष बिष्णु प्रसाद श्रेष्ठले बताउनुभयो ।
नेपालगन्ज उपमहानगरपालिका वडा नं. २ निवासी समाजसेवी प्रणिलसिंह हमाल र सूचना र मानव अधिकार अनुसन्धान केन्द्रको समन्वयमा सो सहयोग सम्पन्न भएको नेपालगन्ज जुत्ता चप्पल ब्यवसायी संघका सदस्य तथा सामग्री वितरणका संयोजक एमपि पोखरेलले बताउनुभयो । अन्नपुर्ण पोस्टका पत्रकार शंकर प्रसाद खनालले सो विद्यालयको बारेमा केही समय अगाडि समाचार लेखेपछि थाहा भएको पोखरेलले बताउनुभयो । एक औपचारिक कार्यक्रमको बीच शिक्षा शाखाका प्रमुख सन्जय कुमार कर्ण, विद्यालय ब्यवस्थापन समितिका कृष्ण गोपाल यादव र प्राधानाध्यापक शिव प्रसाद सापकोटाको उपस्थितीमा जुत्ता,चप्पल र म्याट वितरण गरिएको छ ।
नेपालगन्ज जुत्ता चप्पल ब्यवसायी संघको पहलमा यसअघि पनि जेष्ठ नागरिकह?का लागी नीलसागर बृद्ध आश्रममा केही सहयोग गरेको झन्कार चप्प्लका साकेट अग्रवालले बताए । सो विद्यालयमा विद्यार्थीले जुत्ता चप्प्ल सामाग्रीह? पाएपछि विद्यार्थी सगैं सम्पुर्ण विद्यालय परिवार तथा स्थानीयवासीह? खुसी भएको आईएचआरसीका कार्यक्रम ब्यवस्थापक रविन्द्र कुमार ज्ञवालीले बताए । अति विपन्न बिद्यार्थी शिक्षाबाट वन्चित नहुन् भनी विद्यार्थीलाई सहयोग गरिएको म्याजिक कम्पनीका विजय शर्माले बताएका छन् । विद्यार्थीहरुलाई सहयोग गर्दा आफु खुशी भएको एप्पल शु कम्पनीका रविन पौडेलले बताए ।
Discussion about this post